Álem • 28 Sáýir, 2020

Opera juldyzdary ‘O sole mio ánin onlaın shyrqady

19 retkórsetildi

 «Astana Operanyń» ataqty solısteri men Italııa, Meksıka, Japonııa, Qytaı, Rýmynııa, Grýzııanyń álemdik deńgeıdegi opera juldyzdary, sonymen qatar «Astana Opera» sımfonııalyq orkestriniń mýzykanttary mıllıondaǵan tyńdarmannyń súıikti ‘O sole mio neopolıtandyq ánin onlaın oryndady.

Jobaǵa Eýropa, AQSh jáne Ońtústik Amerıkanyń iri teatrlarynda jumys isteıtin ataqty meksıkalyq tenor Gektor Sandoval men Eýropada aty máshhúr grýzın tenory Georgı Onıanı atsalysty. Olardyń áriptesteri – japonııalyq tenor Naoıýkı Okada, rýmyn sopranosy Adela Zaharııa jáne tanymal qytaı ánshisi Joý Fan da shyǵarmashylyqtaǵy birlestik úshin sheksiz qýanyshyn bildirdi.

Qazaqstandyq opera sahnasynyń juldyzdary: «Astana Operanyń» jetekshi solısi, Qazaqstannyń eńbek sińirgen qaıratkeri, Italııa Juldyzy Ordeniniń Kavaleri, álemniń úzdik sahnalarynda óner kórsetip júrgen Medet Chotabaev, «Astana Operanyń» jetekshi solısi, Qazaqstannyń eńbek sińirgen qaıratkeri, «Rossııa K» telearnasyndaǵy «Bolshaıa opera» halyqaralyq jobasynyń jeńimpazy Saltanat Ahmetova, Qazaqstannyń eńbek sińirgen qaıratkerleri, «Astana Opera» teatrynyń solısteri, tamasha soprano ıeleri Jamılıa Jarqymbaeva men Bıbigúl Januzaq tamasha oryndaýshylyq ónerin pash etti.

Shyǵarmashylyq jobaǵa qatysqan sheteldik tanymal tulǵalar Qazaqstanda buǵan deıin bolyp, «Astana Opera» sahnasynda óner kórsetkenin atap ótken jón.

- 2017 jyly «Astana Operada» ótken «Operalııa Plasıdo Domıngo» baıqaýynan keıin tamasha estelikter jadymda saqtaýly. Barlyǵy sondaı meıirimdi, árdaıym kómektesýge ázir boldy. Sizderdiń opera teatrlaryńyz sondaı keremet. Ár kezde, osy tájirıbe týraly oılaǵan ýaqytta júzime shattyq uıalaıdy. Qazir sizderdiń denderińiz saý, qaýipsiz jaǵdaıdasyzdar degen úmittemin. Jaqyn arada qaıta kezdesip, birge án shyrqap, qýanysh-shattyqqa bólenýdi, kúnniń qaıta jarqyrap kúlimdegenin qalaımyn. О́zderińizdi jaqsylap kútińizder, - dep tilegin bildirdi rýmyndyq taza soprano ıegeri Adela Zaharııa. Eske salar bolsaq, ol  2017 jyly bedeldi álemdik operalyq baıqaýlardyń biri – «Operalııa Plasıdo Domıngo» saıysynda Bas júlde men «Sarsýela» arnaıy júlde-syılyǵyn jeńip alyp, naǵyz sensasııaǵa aınalǵan edi.

Oryndaýshylar ‘O sole mio neapolıtandyq ánin beker tańdamaǵan. Ol jaıdarly, qýanyshqa toly ári jarqyn bolashaqqa úlken senim beredi. Kompozısııany 1898 jyly Edýardo dı Kapýa (mýzykasy) jáne Djovannı Kapýrro (sózi) jazǵan. Sol kezdiń ózinde-aq atalǵan týyndy asa tanymaldylyqqa ıe bolyp, keıin álemniń kóptegen tilderine aýdaryldy.

Jobanyń barlyq qatysýshylary halyqtyń rýhyn kótere alatyn ári jaqyn arada qıyndyqty eńserip, qaýipti vırýsty jeńemiz degen senim uıalatatyn ónerdiń aıryqsha kúshine kámil senedi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar