- Elbasy N.Nazarbaev pen Memleket basshysy Q.Toqaev Shymkent qalasynyń áleýmettik-ekonomıkalyq damýyna erekshe mán berip otyr. Bıyl qazynadan mıllıondy qalaǵa 440 mlrd. teńge qarjy bólindi. Qaralǵan qarajat maqsatty ıgerilýi qajet. Bul ınfraqurylymdy jaqsartyp, barlyq salanyń áleýetin kóterýge múmkindik beredi. Sondyqtan biz bar kúsh-jigerimizdi qalanyń damýyna jumsap otyrmyz, - dedi M.Dúısenbekuly.
Aýmaǵy 49 704 gektardy quraıtyn Abaı aýdanynda 323 myńǵa jýyq turǵyn bar. 34 shaǵynaýdan men turǵyn alaptyń 10-y 2014 jyly burynǵy Ońtústik Qazaqstan oblysynan qalaǵa ótken. Búginde taza aýyz sýmen qamtý kórsetkishi 78,5%-dy quraıtyn aýdanda naqty jumystar qolǵa alynyp, 5 turǵyn alapty aýyz sýmen qamtıtyn magıstraldy sý júıesiniń qurylysy júrýde.
Sondaı-aq, Jańatalap, Qyzyljar, Igilik, Táýelsizdikke - 20 jyl, Kókbulaq, Yntymaq-2, Soltústik saıajaıdaǵy 7232 úıge aýyz sý júıeleri tartylýda. Josparly jumystar aıaqtalsa, aýdan halqynyń 86%-y taza aýyz sýmen qamtylatyn bolady.
Bıyl Abaı aýdanyndaǵy 49 kósheni jóndeýge bıýdjetten 1 099,6 mln. qarjy qaralyp, jóndeý jumystary qarqyndy atqarylýda. Sońǵy 10 jylda aýdandaǵy 219 aýlaǵa balalardyń oıyn alańshasy men 50 sport alańy ornatylǵan. Tek ótken jyly memlekettik jáne jekemenshik áriptestik aıasynda 45 aýlaǵa oıyn alańshasy salynyp, turǵyndardyń ıgiligine berildi.
Bıyl 41 aýlaǵa balalar alańshasy qurylysyna 637,4 mln., 8 sport alańyn ornatýǵa 131,5 mln. teńge qarjy bólinip, jumystar atqarylýda. Osy baǵytta atqarylǵan jumystarmen tyńǵylyqty tanysqan qala basshysy Abaı aýdanynda aýqymdy jumys bar ekenin aıtyp, qurylysy júrip jatqan barlyq nysandardyń sapasyna mán berýdi ári turaqty baqylaýdy jaýaptylarǵa tapsyrdy.
Sapar aıasynda M.Áıtenov Vodopıanov kóshesinde ótken jyly órtengen úıdiń ornyna salynyp jatqan 85 páterli úıdiń qurylysymen tanysty. Tapsyrys berýshi «Shymkent» ÁKK» AQ men merdiger «Otaý Stroı» kompanııasyna qurylys jumystaryn Qala kúnine oraı aıaqtap, baspana kiltin turǵyndarǵa ýaqytynan erterek tabystaýdy júktedi.
Shymkent
