Ekonomıka • 28 Sáýir, 2020

Shaǵyn qarjy uıymdarynda jyldyq mólsherleme 56 paıyzdan aspaıdy

14 retkórsetildi

Qarjy naryǵyn retteý jáne damytý agenttigi mıkroqarjy uıymdaryn onyń ishinde lombardtardy jáne onlaın-kredıtorlardy tekserýdi bastady. Bundaı uıymdar kóptep shoǵyrlanǵan Nur-Sultan, Almaty, Shymkent qalalaryndaǵy 1100 lombard tekserilmek.

Birinshi kezekte tekserýshi toptar Qazaqstan Respýblıkasy Prezıdentiniń tótenshe jaǵdaıdy engizý nátıjesinde zardap shekken halyqtyń, shaǵyn jáne orta bıznestiń qaryzdary boıynsha negizgi borysh pen syıaqy somalaryn tóleýdi toqtata turý týraly tapsyrmasyn oryndaý máselesine nazar aýdarmaq. Avtokólik kepiline nesıe berý kompanııalary qaýymdastyǵynyń prezıdenti Dýlat Tastekeevtiń aıtýynsha, osyndaı tekserister elimizdiń keıbir óńirlerinde bastalyp ketti.

̶  Tekseris barysynda qandaı da bir olqylyqtar anyqtalsa, sharalar qoldanylatyny anyq. Aıyppul tólenýi ıa bolmasa zań talaptaryn buzǵan uıymdardyń jabylýy da múmkin. Tek barlyq talaptardy durys saqtaǵan uıymdardyń bul tizimge iligip ketpegeni durys dep esepteımin,  ̶  deıdi D.Tastekeev. Onyń aıtýynsha keıingi ýaqytta shaǵyn qarjy uıymdaryna tekserister men qatar, zań aıasynda shekteýler de qatańdaǵan. Qarjy naryǵyn retteý jáne damytý agenttigine barlyq mıkroqarjy uıymdaryn baqylap otyrý quzireti berildi.

̶  Bıyl tirkeýden ótken qarjy uıymdary jumystyn jalǵastyrǵan jaǵdaıda jyldyq mólsherlemesi 56 paıyzdan aspaıtyn nesıe bere alady. Odan artyq berilgen nesıe zańsyz dep tanylady. Buǵan deıin jyldyq mólsherlemeni lombardtar 100 paıyzben berip keldi. Odan bólek, halyqty qanap, 600-700 paıyzben nesıe berip kelgender de bar. Solardyń keserinen barlyq shaǵyn qarjy uıymdary «alaıaq atanyp», endigi bul saladaǵy naryqqa qatysýshylar sany kemýi, básekelestik orta azaıýy múmkin, ̶  deıdi avtokólik kepiline nesıe berý kompanııalary qaýymdastyǵynyń prezıdenti. Onyń aıtýynsha, jańa ereje halyq úshin qolaıly bolǵanymen shaǵyn qarjy uıymdary úshin tıimsiz bolyp otyr. Qoıylǵan talapty shaǵyn uıymdardyń kez-kelgeni oryndaı almaıdy. Dese de, shaǵyn qarjy uıymdarynyń qyzmet kórsetý merzimi ekinshi deńgeıli bankterge qaraǵanda jyldam bolǵandyqtan halyqtyń basym bóligi lombardtardy jaǵalaıtyny belgili. Tótenshe jaǵdaı kezinde mundaı uıymǵa júgingenderdiń jartysyna jýyǵynyń jumyssyz qalýyna baılanysyty tólem qabileti tómendep, qaldyrǵan zattaryn ala almaǵan. Dese de, qaýymdastyq prezıdenti eldegi tótenshe jaǵdaı kezinde lombardqa júgingender úshin ósimpul eseptelinbeıdi dep sendirdi.

Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Sýret. О́zgeris. Qubylys

Rýhanııat • Búgin, 07:17

Baqyttyń berik bosaǵasy

Rýhanııat • Búgin, 07:13

Jańatastyq jas sheberler

Aımaqtar • Búgin, 07:09

Júıeli jumys jeńiske jetkizedi

Aımaqtar • Búgin, 07:08

Iz qaldyrǵan iri tulǵa

Qoǵam • Búgin, 07:06

Qosaevtar áýletiniń qasireti

Rýhanııat • Búgin, 06:56

Ǵasyr zulmaty

Qoǵam • Búgin, 06:55

Oqý ortalyqtary ońdy ma?

Bilim • Búgin, 06:45

Uqsas jańalyqtar