Aımaqtar • 28 Sáýir, 2020

Karantın kezinde shymkenttikter 200-den astam kólikti onlaın tirkegen

11 retkórsetildi

Qazaqstanda tótenshe jaǵdaı jarııalanǵaly beri shymkenttikter egov.kz portaly arqyly 200 astam avtokólikterin tirkedi.

Eske salaıyq, 26 naýryzdan bastap Qazaqstandaǵy halyqqa qyzmet kórsetý ortalyqtary men avtoHQO-dyń jumysy toqtatylǵan. El turǵyndary memlekettik qyzmetterdi tek elektrondyq úkimet portalynda ala alady.

«Qyzmetti onlan alý rejımde alý mehanızmi óte qarapaıym. Ol úshin egov.kz portalyna kirip, ótinimdi toltyryp, jeke elektrondy sıfrlyk qoltanbamen (ESK) qol qoısa jetkilikti. Aıta keteıin, tótenshe jaǵdaı jarııalanǵaly beri 200 astam avtokólik onlaın tásilmen tirkeldi. Bul kórsetkishtiń aıtarlyqtaı ósetinin boljap otyrmyz, óıtkeni altyn ýaqytyn sarp etpeı, mamandandyrylǵan HQO-ǵa barmaı-aq qarapaıym jáne yńǵaıly sheshimderdi tańdaıtyn azamattarymyzdyń sany kóbeıip keledi», — deıdi «Azamatarǵa arnalǵan úkimet» memlekettik korporasııasynyń Shymkent qlasy boıynsha fılıalynyń ókili Altynaı Tataeva.

Kólikterdi qaıta tirkeý qyzmeti egov.kz portalynda «Kólik jáne kommýnıkasııalar» bóliminde qoljetimdi. Ony onlaın rejıminde alý úshin satýshy ESQ-ny paıdalanyp, egov.kz portalyna kirip, satylatyn kólik týraly aqparatty engizip, aıyppuldar men salyqtar boıynsha bereshekti tekserýge suranys jiberýi kerek. Eger bar bolsa, elektrondyq úkimet portaly arqyly tólep, ótinishke ESQ-men qol qoıady. Osydan keıin satyp alýshy elektrondy úkimet portalyndaǵy jeke kabınetindegi ótinishpen tanysa alady, onda aıyppuldardy tekserip bolǵannan keıin memlekettik nómir jáne tehpasport úshin tıisti alymdar men tirkeý jarnasyn tóleýi tıis. Satyp alýshy mámileni óziniń elektrondyq sıfrlyq qoltańbasymen rastaıdy. Keıin avtoHQO-ǵa tek daıyn bolǵan nómir men tehnıkalyq tólqujatty alyp ketý úshin barady.

 
Shymkent
Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar