Aımaqtar • 28 Sáýir, 2020

Sý basý qaýpi azaıýda

7 retkórsetildi

Búgin Esil ózeni tasýynyń barysy týraly kezekti brıfıng bolyp, ony TJ departamentiniń tabıǵat apattardyń qaýip-qaterin azaıtý jáne azamattyq qorǵaý salasyndaǵy baqylaý basqarmasy bastyǵynyń ýaqytsha mindetin atqarýshy, azamattyq qorǵaý polkovnıgi Serik Naýryzbaev berdi.

Onyń aıtýyna qaraǵanda qazir sý tasqynyna tótep berý jaǵdaıy, qutqarý bólimsheleriniń daıyndyǵy, azamattyq qorǵaý qyzmetteriniń osyndaı jaýapty kezeńdegi ózara is-qımyly qalyptasqan tártipte ótip jatyr. Oblystaǵy sý tasqynynyń jaǵdaıy turaqty, ótken aptada sý deńgeıiniń barynsha kóterilýi 24-26 sáýir aralyǵynda Esil ózenindegi Petropavl sý qoımasynyń Teplıchnoe selosynyń aýmaǵynda baıqalyp, onda kúrdeli jaǵdaı qalyptasqan. Qatty kóterilgen jel bıik tolqyndar týdyryp, bógetterge qaýip tóndirgen. Osyǵan qarsy qum jáne mıneraldyq zattar toltyrylǵan qaptar úıý arqyly nyǵaıtý sharalary júrgizildi. Buǵan  Ulttyq ulan men jergilikti atqarýshy organdardyń qyzmetkerleri men quraldary tartylǵan. Sonyń arqasynda sý basý qaýpi azaıǵan. Osyndaı jaǵdaı Zarechnyı kentinde de qalyptasypty.

«Qazirgi sátte Petropavl sý qoımasyndaǵy deńgeı tómendeýde. Onyń azaıýy - táýligine 3-4 sm. Biraq Sokolovka aýylynyń aýmaǵynda sýdyń artýy kerisinshe ósip keledi. Jaqyn arada kútilip otyrǵan ekinshi tolqyn aıta qalarlyq zııan ákele qoımas degen úmittemiz», dedi maman.

Sonymen birge ol respýblıkalyq mańyzy bar «Chelıabi-Novosıbırsk» avtojolynyń 528 ben 529 km aralyǵyndaǵy ýchaskesi men Petropavldan Zarechnyı kentine baratyn joldyń sýy azaıǵanymen áli ashylmaǵanyn aıtty.

Sóziniń sońynda S.Naýryzbaev: «Sý aǵyny esh bógetsiz, tolassyz aǵylýda. Turǵyn úılerdi sý basý qaýpi joq. Esil ózeni sýynyń kóterilýi onyń jaıylmasyna ornalasqan turǵyn emes saıajaı ýchaskelerin ǵana sý basýdan týyndady. Bul qubylys jyl saıynǵy maýsymdyq sıpatqa ıe», dedi ol.

Soltústik Qazaqstan oblysy

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar