«Báıterek» holdıngi tótenshe jaǵdaı kezinde ıpoteka alýshylarǵa qalaı kómek kórsetýde?

Máselen, «Báıterek» holdınginiń enshiles uıymy – «Qazaqstannyń turǵyn úı qurylys jınaq banki» AQ (TQJB) daǵdarysqa qarsy sharalar retinde barlyq klıentterine qoldanystaǵy qaryzdary boıynsha tólemderin keıinge shegerýge ruqsat berdi. Ol 2020 jylǵy 16 naýryz ben 15 maýsym aralyǵyndaǵy kezeńde áreket etetin bolady. Bul rette, merzimi ótken tólemderge aıyppuldar men ósimpuldar eseptelmeıdi. Qaryz alýshylarǵa nesıeni tólemeý sebepterin rastaıtyn qujattardy usyný qajet emes. Olar TQJB-nyń ınternet-bankınginde 15 sáýirden bastap TJ rejımi aıaqtalǵanǵa deıin ótinish berse jetkilikti. О́tinimderdi qabyldaý aıaqtalatyn josparly merzim – 2020 jylǵy 11 mamyr. 

22 sáýirdegi málimetter boıynsha osy daǵdarysqa qarsy sharany Banktiń 17 039 qaryz alýshysy paıdalanǵan. 

Klıentterine yńǵaıly bolý úshin TQJB qashyqtyqtan jumys isteý arnalaryn kúsheıtýde. Depozıtterdi beıneqońyraý arqyly onlaın ashý qyzmeti iske qosyldy. Bank saıtyna kirip, ony paıdalanýǵa bolady. Sonymen qatar, qazaqstandyqtarǵa basqa da qashyqtyqtan qyzmet alý múmkindikteri  usynylǵan: ınternet-bankıng, mobıldik qosymsha, WhatsApp jáne Telegram-arnalar, tólem termınaldary, 300 telefony boıynsha IVR júıesi. 

Aıta keteıik, aǵymdaǵy jyldyń birinshi toqsanynda TQJB salymshylary óz depozıtterinde 125 mlrd teńge jınady. Jyl basynan bastap 93 508 jańa jınaq shottary ashyldy. Depozıtterge degen mundaı suranysty kredıt boıynsha mólsherlemelerdiń qoljetimdiligimen túsindirýge bolady, bank klıentteri keıinteńgemen belgilengen tıimdi mólsherlemeler boıynsha nesıe ala alady. Depozıtterde bastapqy jarnaúshin qarajat jınaı otyryp, bank klıentteri jyldyq 2%-dan 8,5%-ǵa deıingi mólsherlemelermen turǵyn úı satyp alýǵa nesıe alady. Jyl basynan bastap mundaı múmkindikti TQJB-niń 7 592 klıenti paıdalandy.

Qazirgi ýaqytta TQJB-niń nesıelik qorjyny 1,034 trıllıon teńgege teń. Bankte barlyǵy 160 000 qoldanystaǵy qaryz bar. Jyl basynda kózdegen barlyq josparly kórsetkishterdi Turǵyn úı qurylys jınaq banki 100% oryndady. Bul rette, banktiń qaryz alýshylary eń tártipti bolyp tabylady. Bul NPL (tólem merzimi 90 kúnge keshiktirilgen qaryzdar) deńgeıiniń tómen bolýyna yqpal etýde. Qazir bul kórsetkish 8% ortasha bank deńgeıinde 0,18%-ǵa teń. 

Bıyl bank «Baqytty otbasy» baǵdarlamasyn júzege asyrýdy jalǵastyrýda. Iske asyrylǵan birinshi kezeń qorytyndysy boıynsha 4 955 otbasy turǵyn úı satyp alyndy. Qazaqstanda tótenshe jaǵdaı jarııalanǵan 2020 jylǵy 16 naýryzǵa deıin bank taǵy 710 jańa ótinimdi qabyldap, bekitip úlgerdi. Nesıege ótinimderdi qabyldaý 2020 jyldyń 4 mamyrynan qaıta bastalady.

«Áskerı ónim» aıasynda bank jyl basynan beri 76 qaryz berdi, sondaı-aq 75 nesıe maquldanyp, áskerı qyzmetshiler qalaǵan baspanalaryn izdestirý ústinde, 54 nesıe ótinimi qaralýda.

«Báıterek» holdınginiń basqa enshiles uıymy – «Qazaqstan ıpotekalyq kompanııasy» IU» AQ (QIK) eldegi TJ kezinde óz klıentteri úshin tólem merzimin keıinge shegerýge ótinish qabyldaý tásilin jeńildetti. Klıentterden ótinishter help@kmc.kzbiryńǵaı elektrondyq poshtasy arqyly, avtorızasııasyz jáne tulǵany rastaýdy talap etpeı qabyldanady. Halyqtyń áleýmettik osal toptarynyń sanatyna jatatyn jáne QIK-te ıpotekalyq qaryzdary bar azamattardyń tólemderi ótinishsiz avtomatty túrde keıinge shegeriledi. 

QIK-te túrli onlaın-servıster jumys isteıdi. Kompanııanyń resmı saıtynda «Tótenshe jaǵdaı» degen jańa bólim ashyldy, onda barlyq qajetti aqparat, ıaǵnı keıinge shegerý sharttary týraly aqparat, ótinishterdiń úlgileri, jıi qoıylatyn suraqtarǵa jaýaptar bar. https://kmc.kz/ru/program/state-of-emergency.kz

О́tinish mártebesin bir ret basý arqyly tekserý júıesi iske qosylǵan. Kompanııa klıentteri ótinish bergennen keıin óz ótinishiniń mártebesin kompanııa saıtynda JSN nómirin engizý arqyly, avtorızasııasyz jáne tirkeýsiz teksere alady.

TJ rejımi aıaqtalǵannan keıin klıenttermen satyp alý quqyǵymen jaldaý sharttaryna qosymsha kelisimder jasalady. Ipotekalyq qaryzdar sharttaryna qosymsha kelisimder jasalmaıdy, tek tólemderdiń jańa kestelerine ǵana qol qoıylady.  

Esterińizge sala keteıik, aı saıynǵy tólemder merzimin 2020 jyldyń 16 naýryzynan 15 maýsymyna deıin uzartýǵa bolady. Bul rette, merzimi uzartylǵan tólemder qaryz nemese jaldaý merziminiń sońyna deıin birkelki bólinetin bolady. Keıinge shegerilgen tólemderge ósimpuldar men aıyppuldar eseptelmeıdi.

Kompanııanyń baılanys ortalyǵynyń +7 727 344 12 22 telefony arqyly nemese 8 800 080 44 48 jedel jeli nómiri arqyly (QR-nyń barlyq óńirleri úshin qalalyq nómirlerden tegin) barlyq suraqtar boıynsha keńes alýǵa bolady. 

Sonymen qatar, Holdıngtiń taǵy bir enshiles uıymy – «Báıterek development» AQ (BD) «Nurly jer» jáne «EKSPO-2017» baǵdarlamalary sheńberinde salynǵan turǵyn úı jáne turǵyn emes jyljymaıtyn múlik obektilerin satyp alý quqyǵymen jaldaý/bólip tóleýge satyp alý-satý mámileleri boıynsha negizgi borysh pen syıaqyny qosa alǵanda, tólemder merzimin úsh aıǵa, ıaǵnı 2020 jyldyń sáýirinen maýsymyna deıin keıinge shegerýge ruqsat berdi.

Jalǵa alýshylar men satyp alýshylar keıinge shegerý sebebin kórsete otyryp, bekitilgen nysanǵa sáıkes ótinishti óz qolymen jazýlary qajet (http://baiterekdevelopment.kz resmı saıtynan júktep alýǵa bolady). Rastaıtyn qujattar talap etilmeıdi. О́tinishke jalǵa alýshynyń/satyp alýshynyń  jeke kýáliginiń (eki betiniń) kóshirmesin qosa berý qajet. Qol qoıylǵan ótinish pen jeke kýáliktiń skanerlengen kóshirmesin otsrochka@bdevelopment.kz. elektrondyq poshtasyna jiberý qajet. 

О́tinishtiń túpnusqasyn TJ aıaqtalǵannan keıin Báıterek developmentke usyný qajet. Ulttyq kompanııa jalǵa alýshylar men satyp alýshylardan úıde qalýdy jáne alańdamaýdy ótinedi, barlyq ótinishter qaralatyn bolady, al keıinge shegerý sáýir aıy men maýsym aıy aralyǵynda qoldanylatyn bolady. Jańa tólem kestesine eldegi tótenshe jaǵdaı aıaqtalǵannan keıin qol qoıýǵa bolady. О́tinishterdi qabyldaý merzimi tótenshe jaǵdaı merzimi aıaqtalǵanǵa deıin sozylady. 

Satyp alý quqyǵymen jaldaý sharttary boıynsha tólem merzimin keıinge shegerý talaptary («Nurly jer» baǵdarlamasy sheńberinde):

Usynylatyn keıinge shegerý kezeńindegi aı saıynǵy tólemder somasy tólem kestesine sáıkes merzimniń sońyna deıin amortızasııalanady. О́tinishti berý sátinde kepildik jarnanyń ornyn toltyrý boıynsha merzimi ótken bereshegi bar jalǵa alýshylar keıinge shegerý merzimi aıaqtalǵannan keıin 12 aı ishinde, ıaǵnı 2020 jyldyń shildesi men 2021 jyldyń maýsymy aralyǵynda kepildik jarnanyń ornyn toltyra alady.  

Bólip tóleýmen satyp alý-satý sharttary boıynsha tólem merzimin keıinge shegerý talaptary («EKSPO-2017» qosa alǵanda, BD-nyń jeke baǵdarlamalary sheńberinde): 

Bólip tóleýmen satyp alý-satý sharttary boıynsha mindettemelerdi oryndaý merzimi keıinge shegerý merzimine mólsherles tólem kestesine sáıkes jyljytylady. О́tinish bergen kúni merzimi ótken bereshegi bar satyp alýshylardyń tólemderi keıinge shegerilgen jaǵdaıda, olar keıinge shegerý merzimi aıaqtalǵannan keıin merzimi ótken bereshek somasyn tóleýge tıis. Merzimi ótken bereshekke ósimpul men aıyppuldar tólem merzimi keıinge shegerilgen kezeńde eseptelmeıdi.

Qosymsha suraqtar týyndaǵan jaǵdaıda, myna baılanys nómirleri boıynsha BD-ǵa habarlasa alasyz: 8 (7172) 769 560, ishki 388, 392.