Aımaqtar • 29 Sáýir, 2020

Memleket járdemi – kóp otbasy úshin múmkindik

28 retkórsetildi

Qyzylorda oblysynda tótenshe jaǵdaı kezinde tabysynan aıyrylǵan azamattar men áleýmettik jaǵynan az qamtylǵan otbasylarǵa memleket qoldaýy der kezinde jetýi úshin júıeli jumys jasalyp jatyr. Osy kúni oblystyq jumyspen qamtýdy úılestirý jáne áleýmettik baǵdarlamalar basqarmasy mamandary karantın talaptaryn barynsha saqtaı otyryp, qaýyrt jumysqa kóshken.

Basqarma mamandarynyń aıtýynsha, oblysta 42500 teńge áleýmettik tólem alýǵa tirkelgen 186 myń 749 adamnyń 179018-i osy kómekti alypty. Olardyń jartysyna jýyǵy oblys ortalyǵynyń turǵyndary.

– Biz negizi osy tólemdi alý joldaryn túsindiremiz. Ásirese biryńǵaı jıyntyq tólemi men ótinimi arasyn alshaqtatyp alǵan keıbir azamattyń áleýmettik tólemdi ala almaı qalýy jıi kezdesip otyr. Olarǵa bizdiń bólim mamandary ótinim berýde kómek kórsetedi. О́ıtkeni memleket qoldaýynan tıisti azamattardyń eshqaısysy shet qalmaýy kerek, – deıdi halyqty jumyspen qamtý bóliminiń basshysy Janar Dáýletbaeva.

 Osy ýaqytqa deıin Nur Otan partııasynyń «Biz birgemiz» aksııasy aıasynda oblysta 7 798 otbasyna jalpy quny 83,6 mln teńge bolatyn azyq-túlik sebeti taratyldy.

 El azamattary arasynan bul aksııaǵa qoldaý kórsetip otyrǵandar az emes. Olardyń biri qorǵa qarjy aýdarsa, endi biri partııa fılıaldary arqyly muqtaj azamattar tizimin alyp, eriktilermen birge kómek kórsetýde. Máselen, Abzal ı K TS 100, al Ai-Sultan Company JShS 20 otbasyǵa járdem jasady. Osy indettiń aldyn alý úshin ashylǵan oblystyq qorǵa «Abzal ı K» TS tóraǵasy, Jas Otan JQ ortalyq keńesiniń múshesi Maǵjan Erálıev, oblystyq máslıhattaǵy Nur Otan partııasy depýtattyq fraksııasynyń músheleri Baqdáýlet Mahashov, Asqar Mahambetov, Nurıddın Ámıtov, Murat Sársenbaev sekildi azamattar qarjy aýdardy. Jetekshi partııa fılıaldaryna mundaı otbasylar tizimin qalalyq, aýdandyq jumyspen qamtýdy úılestirý jáne áleýmettik baǵdarlamalar bólimderi usynyp otyr.

 «Birgemiz» qoǵamdyq qorynyń óńirlik fılıaly «Birgemiz-Kyzylorda» arqyly Qyzylorda qalasyndaǵy 6313 otbasy 50 myń teńge kólemindegi bir rettik qarjylaı kómekke ıe boldy. Bul kómektiń ekinshi transhynda 7 796 otbasyn qamtý josparlanyp otyr.

 «Birgemiz-Kyzylorda» qorynyń quryltaıshylary, qamqorshylyq keńes quramy jasaqtaldy. Onyń quramyna partııanyń áleýmettik bastamalaryna qoldaý kórsetip kele jatqan, oblysqa belgili azamattar men azamattyq qoǵamnyń bedeldi ókilderi, kóp balaly analar enip otyr. Qor jumysy týraly barlyq aqparat áleýmettik jelidegi arnaıy paraqshalarda jarııalanady.

– Sonymen qatar qazir indettiń keń taralýyna baılanysty tikeleı baılanysty boldyrmaý maqsatynda azyq-túlik pen turmystyq jıyntyǵy ár alýshynyń esepshotyna aqshalaı aýdarylady. Ol 5567 teńge bolyp otyr, – deıdi basqarmanyń áleýmettik kómek bóliminiń basshysy Sharızat Almasheva.

 О́tken aıda respýblıkalyq bıýdjetten oblys boıynsha 16647 balaǵa 92 mln teńge tólengen. Azyq-túlik pen turmystyq jıyntyq alýshylardyń keńeıgen tiziminen keıin birinshi jáne úshinshi toptaǵy múgedekterge, múgedek balalarǵa, sondaı-aq múgedek balalar kútimimen otyrǵan analarǵa, ataýly áleýmettik kómek alatyn otbasynyń 6-18 jas aralyǵyndaǵy balalaryna jáne jumyspen qamtý ortalyqtarynda tirkeýde turǵandarǵa beriletin bul kómek osy aıda 60300 adamǵa tıesili. Olardyń 37400-ine 208,4 mln teńge aýdaryldy. Qalǵan azamattar aı sońyna deıin alyp úlgeredi.

Osylaısha memleket pen jurtqa járdem jasaýǵa asyqqan azamattar kómegi kóptegen otbasy úshin tótenshe jaǵdaıdan qınalmaı shyǵýdyń múmkindigine aınalyp otyr.

 

QYZYLORDA

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar