Aımaqtar • 29 Sáýir, 2020

Qoǵamdyq qabyldaý onlaın ótýde

4 retkórsetildi

Túrkistan oblysynda Memleket basshysynyń tapsyrmasy bo­ıynsha taǵaıyndalǵan 42500 teńge kólemindegi járdemaqyny 430 myńnan astam turǵyn alǵan. Bul kórsetkish óse túseri sózsiz, ıaǵnı ótinimder boıynsha jumys jalǵasýda.

Bıylǵy 1 toqsanda 1-6 jas ara­ly­ǵyndaǵy 25125 balaǵa azyq-túlik jáne gıgıenalyq toptamasy berildi. Jalpy oblys boıynsha ataýly áleýmettik kómek alýshylardyń sany 19,8 myń otbasy nemese 111,9 myń adam bolǵan.

Al Nur Otan partııasynyń «Biz birgemiz!» aksııasy boıynsha 8236 otbasyǵa azyq-túlik jetkizilgen. Elbasy N.Nazarbaevtyń bastamasymen qurylǵan «Birgemiz» qoǵamdyq qory arqyly Túrkistan qalasynyń 4903 turǵynyna 50 myń teńgeden aý­darylǵan. Aıǵa jýyq ýaqyt ara­ly­ǵynda partııa fılıalyna 3 myńǵa jýyq ótinish kelip túsipti. Onyń 1772-si ońtaıly sheshilgen. Alaıda áleýmettik kómekterge qatysty habarlasyp, suraq qoıýshylar qatary áli de kóp. Bul jaıt Nur Otan partııasy oblystyq fılıalynyń óńir turǵyndaryna arnap uıymdastyrǵan tikeleı efır kezinde málim bolyp otyr. Partııa fılıalynyń áleýmettik jelilerdegi resmı paraqshalarynda jurtshylyq memleket jáne oblys ákimdikteri tarapynan kórsetilip jatqan kómekter men partııanyń «Biz birgemiz!» aksııasy týraly maǵlumat alyp, ózderin mazalaǵan suraqtaryn qoıdy. Olardyń saýaldaryna partııa fılıaly tóraǵasynyń birinshi orynbasary Beısenbaı Tájibaev, oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva men Túrkistan oblysy boıynsha «Memlekettik áleýmettik saqtandyrý qory» AQ fılıaly dırektorynyń mindetin atqarýshy Dáýren Baıyrbekov ja­ýap berdi.

Tikeleı efır barysynda 200-den astam suraq qoıylyp, 70-ten astam jeli qoldanýshysy óz paraqshalaryna bólisken. Partııa fılıaly baspasóz qyzmetiniń málimetinshe, efırdi 2 myńǵa jýyq adam tamashalap, maǵ­lumat alypty. Suraqtardyń basym bóligi memleket tarapynan beriletin áleý­mettik kómekter, 42500 teńge jár­demaqy, «Biz birgemiz!» aksııasy aıasyndaǵy azyq-túlik jáne 50 myń teńgege qatysty qoıylǵan. Ataý­ly áleýmettik kómek alý, járdem­aqylarǵa qujat tapsyrý máse­leleri boıynsha shaǵymdar da bol­dy. Spıkerler turǵyndardyń suraq­taryna sol mezette jaýap berse, bir­qatary boıynsha tıisti ju­mys júrgizilmek. Partııa fılıaly al­daǵy ýaqytta turǵyndar tarapynan suraq kóp túsetin basqarma basshylaryn qatystyryp, onlaın qoǵamdyq qa­byl­daýdy jalǵastyrýdy josparlap otyr.

 

Túrkistan oblysy

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar