Rýhanııat • 29 Sáýir, 2020

О́miri ózin ózi aldaýmen ótip jatyr...

42 retkórsetildi

Kúndelikti ómirimizdiń bir ból­shegine aınalǵan áleýmettik jeli­niń paıdasy men zııany týraly bir­talaı syn-pikir aıtylyp ta jatyr. Shyntýaıtyna kelgende, onsyz ómi­rimizdiń mán-mańyzy joǵalǵandaı. Búgingi tańda tanymal ánshi juldyzdar, psıholog-koýchter, bıznes-trenerler óziniń semınar-sabaq­taryn Instagram jelisinde jarnamalap, aınalymǵa túsirýde. «Ebin tapqan eki asar» degen osy bolsa kerek-ti. Úıdegi kúı­beń tirshiliktiń ıirimine túsip ketken analarymyz ben qyz-kelinshekterdiń qoly bosaı qalsa semınar-sabaqtarǵa qatysyp, keıde bir kúniniń tórtten bir bóligin osyǵan arnaıdy. Árıne bul tek qala tóńireginde ǵana... Degenmen de psıhologııa salasyn meńgermese de psıholog mamandardyń nanyn taýyp júrgen jandar qanshama. Attaryn dardaı qylyp aıtpasaq ta kópshilikke málim.

Jalpy, biraz semınarda affırmasııa jaıynda aqparattar legi óte kóp. Árıne bul sózdiń ne maǵyna bildiretinin bilmeıtin qaýym barshylyq. Qazaqsha aýdarmasy da joq. Basqa balamasyn taba da almaısyń. Affırmasııa – kúndelikti ómirde bir nárseni qaıtalaý arqyly jaqsy nátıjege jetý. «Men baqyttymyn!.. Men ádemimin!.. Meniń qolymnan barlyǵy keledi!..» degen sııaqty sózderdi túpsanańyzǵa jetkizýińiz kerek. Ǵylymda eger adam balasy kez kelgen nárseni 21 ret qaı­talasa mıda jattandy túrde iske asatyny aıtylady. Osyndaı jaǵdaılardyń biri Aıjan ápkemizdiń basynan ótti. Ol da trenıngterdiń birine barǵan. Onyń aıtýynsha: «Bizdiń úıimiz záýlim, ádemi bolady!.. Baı bolamyz!.. Meniń kúıeýim menen basqa eshkimge qaramaıdy!.. Ishkenim aldymda, ishpegenim artymda bolady!..» dep 1 aı kóleminde qaıtalaı bergen. Budan mezi bolǵan otaǵasy zaıybyna «qoı» dep qatty-qatty aıtqanyn da bilemin... Affırmasııany durys jaqqa baǵyttamaǵan ápkemizdiń bul isinen keıin aǵamyz basqa trenıngterge barmaýyn qadaǵalady. Nátıjesinde oıda quralǵan formýlanyń buzylýynan otbasynda kıkiljiń týyndady.

Rasynda, semınar-trenıngterge ýaqytyńyz ben aqshańyzdy jumsamaı-aq, belgili bir ıgi iske umtylý qajet sekildi. Psıholog-koýchterdiń aıtqan áńgimesin siz ómirińizde de kezdestiresiz. Olardyń sabaqtarynan keıin: «Men bul jaǵdaıdy kórip, estip júrmin ǵoı», dep tańdana túsesiz. Aqshańyzdyń bosqa ketkeni túısigińizge sol sátte ǵana je­tedi. Túk jylýy joq sulý sózderdiń jete­ginde ketkenshe, oıyńyzdy tek bilim men tanymymyzdyń bastaý arnasyna baǵyttaǵan jón bolar...

 

Aıym BOLATQYZY

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar