Qoǵam • 29 Sáýir, 2020

Aýyldar ınternetke qashan qosylady?

14 retkórsetildi

Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev baılanys operatorlarynyń júrgizip jatqan jumystarynyń barysy týraly esebin tyńdap, olarǵa júktelgen mindetter men aýyldardy joǵary jyldamdyqty mobıldi ınternetke josparly merzi­minen keshiktirmeı qosý qa­jettigin aıtty.

«Qazir elimizdiń 4300-den astam eldi mekeni joǵary jyldamdyqty mobıldi ın­ternetke qosylǵan. Osy jyl­dyń sońyna deıin tur­ǵyn sany 250 adamnan kóp aýyldardyń bári 3G nemese 4G baılanysymen qam­tylýy tıis. Osy oraıda, siz­derden jumys qarqynyn baıaý­latpaýdy suraımyn. Biz óz tarapymyzdan tótenshe jaǵ­daı kezinde engizilgen shek­teýlerge baılanys­ty máselelerdi sheshýge kómek­tesýge daıynbyz», dedi baı­la­nys operatorlaryna As­qar Jumaǵalıev.

Búginde elimizde qalalar men aýyldardy qosqanda, barlyǵy 4 353 eldi meken mobıldi ınternetpen qam­tylǵan. Bárin qosqanda 600 myń adam ómir súrip jatqan taǵy 928 aýyl Sıfrlyq da­mý, ınnovasııalar jáne aero­ǵarysh ónerkásibi mınıstr­ligi men «Ksell» AQ, «Mo­baıl Telekom-servıs» JShS jáne «Kar-Tel» JShS kompanııalary arasyndaǵy memorandým sheńberinde 3G nemese 4G tehnologııalary boıynsha jyldamdyǵy joǵary mobıldi ınternetke qosylýy tıis. «KarTel» JShS-niń bergen aqparatyna sáıkes, jyl bastalǵaly 76 aýylǵa baza­lyq stansalar salynǵan.

Sondaı-aq elimizde shal­ǵaı aýyldarǵa talshyq­ty-optıkalyq baılanys jeli­lerin tartý jobasy da júzege asy­rylýda. «Qazaq­telekom» AQ osy jobany júzege asyrý aıasynda jyl bastalǵaly 303 aýylǵa optıkalyq sym júr­gizgen. Jyl sońyna deıin qalǵan 463 aýylǵa jeli tartý josparda bar. «Trans­telekom» AQ osy jyl­dyń sońyna deıin 161 aýyl­­daǵy optıkalyq jeli qury­lysyn aıaqtaýdy jos­parlap otyrǵanyn rastady.

Tótenshe jaǵdaılar reji­mine baılanysty en­giziletin sharalar operatorlarǵa jáne olardyń merdigerlik uıym­daryna jumystaryn jalǵastyrýǵa múmkindik berse, olar ózine alǵan min­det­temelerdi josparǵa saı sapaly jáne merziminde oryndaýdy kózdep otyr.

Osylaısha, 2020 jyldyń sońynda jyldamdyǵy jo­ǵary mobıldi ınternet 5 163 eldi mekende qoljetimdi bola­dy, al 3G/4G baılanysyn 18 mln adam paıdalanady dep josparlanýda.

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar