Rýhanııat • 29 Sáýir, 2020

Bar kúshimiz – birlikte

132 retkórsetildi

El Prezıdenti Qasym-Jomart Toqaev otandastarymyzǵa arnaǵan málimdemesinde tótenshe jaǵdaı kezeńinde halyqqa kórsetilgen qamqorlyq sharalaryn atap ótip, memleket óz azamattaryn nazardan tys qaldyrmaıtynyn jetkizdi. Sonymen birge tótenshe jaǵdaı rejimin 11 mamyrǵa deıin sozdy. Dese de saqtyq sharalaryn qatań saqtaýdy jalǵastyrý qajet ekenin jetkizdi.

Adamzat tarıhynda mundaı apattar az bolǵan joq. Qıyndyqta toptasqan, birige bilgen el jeńiske jetken. Adam balasyna jappaı tóngen aýyrtpashylyq tek qıyndyq ákelip qoımaıdy, sonymen birge jańashyldyqqa jol izdetedi. Osynaý synı jaýapty shaqta ult bolyp uıysyp, el bolyp qaýymdasýdyń jáne tózimdilik, shydamdylyq, qaıy­rym­dylyq pen tártiptiliktiń úlgisin kórsetý – paryz. Sondyqtan rýhymyz myqty ári bıik bolýy tıis. Demek, aǵa býyn zııalylardyń halyqty yntymaqqa, jaqsylyqqa belsene shaqyratyn, jastardyń óz boıyndaǵy jasampazdyq kúsh-qaıratyn júzege asyratyn kezi keldi. Adamzattyń parasatty isteri, izgi amaldary, ǵylym men bilimniń jetistikteri, halyqtyń myzǵymas tutastyǵy men tabandylyǵy barlyq qıyndyqtardy jeńip shyǵar jol tabýǵa bolatynyn dáleldeıdi.

Taıaýda Elbasy Nursultan Nazarbaev «Birlese bilgen el bárin jeńedi» atty maqalasynda da kóp dúnıeniń basyn túıgen-di. Memleket basshysynyń málimdemesi atalǵan maqalamen mazmundas, úndes. Jalpy, Elbasy Táýelsizdik tańy atqan kezden bastap óz halqynyń taǵdyry jolyndaǵy talaı túıinderdiń kúrmeýin tarqatyp, ári álemdik deńgeıdegi betburysty oqıǵalar týraly oı bólisip keledi. Tarlan tarıh betterin paraqtasaq, osynaý dástúrdiń tamyryn tereńnen tartatynyn baıqaımyz.

Bizde aýrýdyń aldyn alý isi der kezinde bastaldy. Aýyrt­palyqty eńserýge qa­jet­ti resýrstar jetkilikti boldy, syrtqy eldermen dostastyq saıasaty, áleýmettik-ekonomıkalyq, bilim jáne ǵylym salalarynda júr­gizilgen tabysty reforma­lar bul qıyndyqty da jeńip shy­ǵýǵa múmkindik beredi. Birlik jeńiske jetkizedi. Biraq bir­liktiń materıaldyq, qarjylyq, basqa da negizderi bar. Birinshi – tár­tip. Tártip – halyqtyń ózine tóngen qaýipten saqtaný deńgeıi­niń joǵarylaý qabileti. Bul tusta Elbasy qazaq halqy­nyń dańqty perzenti Baýyrjan Mo­myshulynyń tártip týraly sózin eske salady. Bizdi biriktirýshi, bir múdde men maqsatqa jeteleýshi kúsh – el ishindegi aýyzbirshilik pen túsinistik, qamqor kóńil, jyly nıet.

Osy qaǵıdany Prezıdenttiń keshegi málimdemesinen de baı­qadyq. Iаǵnı bosańsýǵa bolmaıdy. Qazirgi qabyldanǵan sharalar el ekonomıkasy men qaýipsizdigi úshin ekenin esten shyǵarmaǵan lázim.

Elimizdiń basyna qara bult bolyp tóngen osyndaı qıyn kezeńde ár adam ómiri qymbat bolsa, sonyń ishinde bilim men ǵylym salasyndaǵy adam kapıtalyn saqtaý asa mańyzdy. Osy baǵytta Bilim jáne ǵylym mınıstrligi qabyldaǵan shuǵyl da mańyzdy sharalardyń biri – eldegi barlyq bilim berý uıymdaryn qashyqtan oqytý tehnologııasyna kóshirýi. Bul qatarda Qorqyt Ata atyndaǵy Qyzylorda memlekettik ýnıversıteti de qashyqtyqtan oqytý formatyna kóshti. Oqý úderisin sapaly ári tıimdi uıymdastyrý úshin ýnıversıtet pedagogteri barlyq elektrondy platformalardy paıdalanýda. Oqytý formaty Platonýs aqparattyq júıesinde chat dárister negizinde uıymdastyrylýda. Sonymen qatar ZOOM, Google Classroom.com, Moodle, Telegram, Skaıp elektrondy kózderinde onlaın dárister, chat-sabaqtar ótýde. Iýtýb jelisinde oqytýshylardyń beıne dáristeri jazylyp daıyndalyp, ýnıversıtettiń resmı saıtyna, aqparattyq resýrstarǵa salynǵan.

Qashyqtan bilim berý jaǵ­daıynda týyndaǵan barlyq suraqqa jaýap berý maqsatynda ýnı­ver­sıtet saıtyna Call-orta­lyǵy týraly aqparat ornalasty­rylyp, onda kelip túsken suraq­tarǵa der kezinde jaýap berilýde. Sabaqtan tys ýaqytyn tıimdi paıdalaný jáne oqýǵa qajetti maǵlumattaryn alý maqsatynda elektrondy kitaphanamen jumys isteý qamtamasyz etildi.

Professor-oqytýshylar úshin de qashyqtan jumys uıym­das­tyrylǵan. Búgingi tańda olar tolyqtaı óz qyzmetterin onlaın rejimde atqaryp otyr. Qashyqtan oqytý tehnologııasyn paıdalaný – biliktilik pen bilimniń synalatyn ýaqytynda, ózimizdiń básekege qabiletti ekenimizdi baıqatýǵa jasalǵan birden-bir múmkindik. Elimizdiń ekonomıkasyn damytyp, órkenıettilikke jetkizetin, sondaı-aq damyǵan elder qataryna qosylýyna múmkindik jasaıtyn jastardy tárbıeleý qazirgi zaman enshisindegi uly qyzmet ekenin árdaıym esimizde ustaǵanymyz abzal. Sol sebepti, qalypty ómirge qaıta oralý úshin ótpeli kezeńdi birlikpen eńserip shyǵý – azamattyq paryzymyz.

Bizdiń bar kúshimiz birlikte. Ult­tyq dilimizge tán izgilik pen me­ıi­rimdilik, ımandylyq pen sa­byrlylyq qashanda jaqsylyqtyń bastaýy bolmaq. Biz birgemiz!

 

Beıbitkúl KARIMOVA,

Qorqyt Ata atyndaǵy Qyzyloda memlekettik ýnıversıtetiniń rektory

 

Sońǵy jańalyqtar

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar