Keshe taǵy 12 adamnyń koronavırýspen aýyrǵany anyqtaldy. Olardyń úsheýi Kegen aýdanynda, segizi Jambyl aýdanynda jáne bireýi Qapshaǵaı qalasynyń turǵyndary bolyp shyqty.
- Syrqattanǵandardyń jasy 27 men 56 jas aralyǵynda. Olar Kegen aýdandyq aýrýhanasynyń ınfeksııalyq bólimine, Jambyl aýdany Myńbaev aýylyndaǵy aýyldyq aýrýhananyń provızorlyq stasıonaryna, Shelek aýdandyq aýrýhanasynyń ınfeksııalyq bólimine jatqyzyldy. Naýyqastarmen baılanysta bolǵan 55 adam anyqtalyp, olardyń bári oqshaýlandy, - dep habarlady Almaty oblysy ákiminiń baspasóz qyzmeti.
Sondaı-aq, keshe Qarasaı aýdanyndaǵy ınfeksııalyq aýrýhanadan 1952 jyly týǵan naýqas saýyǵyp, úıine barýǵa ruhsat aldy. Ol aýrýhanaǵa koronavırýs dıagnozymen 11 sáýir kúni túsken bolatyn. Qazir «Olımpııa aýyly» alabynyń turǵynynyń jaǵdaıy jaqsy, qaıta tekserý naýqas boıynda koronavırýs belgisi joq ekenin kórsetken.
Jalpy, bul Qarasaı aýdany boıynsha indetten aıyqqan toǵyzynshy adam. Al oblys boıynsha ońalǵandar sany – 10.
Almaty oblysy
