Parlament • 29 Sáýir, 2020

TJ kezeńinde memlekettik basqarýdyń jumys isteý mehanızmi talqylandy

18 retkórsetildi

Parlament Májilisi depýtattarynyń nazaryna «Qazaqstan Respýblıkasynyń keıbir zańnamalyq aktilerine tótenshe jaǵdaı máseleleri boıynsha ózgerister engizý týraly» zań jobasy usynyldy.

«Zań jobasy «Áleýmettik-ekonomıkalyq turaqtylyqty qamtamasyz etý jónindegi sharalar týraly» 2020 jylǵy 16 naýryzdaǵy Memleket basshysynyń Jarlyǵyn oryndaý maqsatynda ázirlendi. Zań jobasynyń maqsaty áleýmettik-ekonomıkalyq turaqtylyqty qamtamasyz etý úshin tótenshe jaǵdaı kezeńinde jedel sharalar qabyldaý múmkindigi bolyp tabylady»,- dedi Ulttyq ekonomıka mınıstri Rýslan Dálenov.

Mınıstrdiń aıtýynsha, zań jobasynda tótenshe jaǵdaı kezeńinde memlekettik basqarýdyń jumys isteý mehanızmi belgilenedi. Ol úshin «Tótenshe jaǵdaı týraly» jáne «Quqyqtyq aktiler týraly» zańdarǵa túzetýler engiziledi.

«Atap aıtqanda, zań tótenshe jaǵdaı kezeńinde zańnamanyń jekelegen salalarynyń qoldanylý erekshelikterimen tolyqtyrylady. Zań jobasynda olarǵa 14 sala jatqyzylady: salyqtyq, bıýdjettik, keden, banktik, eńbek, monopolııaǵa qarsy zańnama; densaýlyq, memlekettik satyp alý, valıýtalyq retteý týraly zańnama; áleýmettik qorǵaý, memlekettik múlik, memlekettik baqylaý jáne qadaǵalaý salasynda; sondaı-aq eldiń halyqaralyq mindettemelerin iske asyrý. Tótenshe jaǵdaı kezeńinde qabyldanǵan quqyqtyq aktiler jalpy alǵanda ol aıaqtalǵanǵa deıin qoldanylatyn bolady. Olardyń qataryna ózge qoldanylý merzimi belgilengen aktiler kirmeıdi», - dedi mınıstr.

Rýslan Dálenovtiń aıtýynsha, «Tótenshe jaǵdaı týraly» Zańda belgilengen jaǵdaıda jáne tártippen normatıvtik quqyqtyq aktiniń nemese onyń jekelegen normalarynyń qoldanylýyn toqtata turý boıynsha «Quqyqtyq aktiler týraly» Zańǵa túzetý engiziledi. Jalpy alǵanda, atalǵan túzetýler tótenshe jaǵdaı kezeńinde áleýmettik-ekonomıkalyq turaqtylyqty qamtamasyz etýge baǵyttalǵan. Zań jobasyn qabyldaý bıýdjetten qosymsha qarjylyq shyǵyndardy talap etpeıdi jáne teris áleýmettik-ekonomıkalyq jáne quqyqtyq saldarǵa ákep soqpaıdy. 

Sońǵy jańalyqtar

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Uqsas jańalyqtar