Aımaqtar • 29 Sáýir, 2020

Taraz qalasynda kóptegen kóshe jóndeledi

45 retkórsetildi

О́tken jyly Taraz qalasyndaǵy jylý qubyrlary aýystyrylǵan bolatyn. Atalǵan jumysty iske asyrý kezinde shahar ishindegi birqatar joldar qazylyp, biraq bul jergilikti turǵyndardyń narazylyǵy men qalaishilik avtokólik qozǵalysynyń qolaısyzdyǵyn týdyrǵan edi.

Tipti keıde qar, jańbyr jaýǵanda da joldyń qazylǵan jerleri oıylyp, qozǵalysty qıyndata túsetin. Búginde sol olqylyqtyń orny tolyp, Taraz qalasy ákimdiginiń bastamasymen kóshelerdi asfalttaý jumystary qolǵa alynýda. О́tken jyldan beri jóndeý jumystary jalǵasyp kele jatqan oblys ortalyǵyndaǵy Abaı dańǵyly, Qoıgeldi jáne Baızaq batyr kósheleri qalpyna keltirilip, aldaǵy aptada jolaýshylar bul kóshelermen erkin júre alady. Búgingi tańda munda qajetti tehnıkalar jetkizilip, alǵashqy jumystar bastalyp ta ketti. Jambyl oblysynyń ákimi Berdibek Saparbaev qalada qozǵalys shektelgen karantın kezinde jol jóndeý jumystaryn uıymdastyrýdy tapsyrǵan bolatyn.

Taraz qalasy ákimdiginiń málimetinshe, jalpy aǵymdaǵy jyly kóne shahar ishindegi 90 shaqyrym joldy jóndeý boıynsha 100 joba júzege asyrylatyn bolady. Nátıjesinde qalada 81 shaqyrymdy quraıtyn 96 kóshege birqatar jolaqtar salynady. Qaladaǵy Abaı dańǵyly, Baýyrjan Momyshuly, Jeltoqsan-Qazybek bı, Qoıgeldi-Qonaev kósheleri boıynda jaıaý júrginshiler jolaǵy salynady. Bir aıta keterligi, atalǵan kóshelerdiń 80 paıyzynda buryn-sońdy asfalt bolmaǵan. Tipti Tóle bı dańǵyly men Tashkent kóshesi aralyǵyndaǵy Baızaq batyr kóshesiniń bir shaqyrymynda jyldar boıy jóndeý jumystary júrgizilmegen. Búginde bul kóshede  merdiger «Aıa-Servıs» jaýapkershiligi shekteýli seriktestiginiń tehnıkalary kelip, jol jabyndysyn jóndeý jumystaryn bastap ketti. Taraz qalasynyń ákimi Aıtqazy Qarabalaev mundaǵy jóndeý jumystarynyń barysyn baqylap, merdigerge jumysty aıaqtaıtyn merzimdi belgilep berdi.

1

 

Jambyl oblysy

   

   

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar