Bir aı buryn Altaıdaǵy Katonqaraǵaı memlekettik ulttyq tabıǵı parki aýmaǵyndaǵy Sarymsaqty jotasynda fototuzaqqa túsirilgen aq kekiliktiń sýretin jarııalap edik. Osy joly nazarlaryńyzǵa usynylyp otyrǵan aıýǵa uqsaıtyn quný dep atalatyn jyrtqysh da sol Sarymsaqtyda, sol aqpan aıynda fototuzaqqa iligipti. Fototuzaqty qurǵan – Katonqaraǵaı memlekettik ulttyq tabıǵı parkiniń ǵylymı bóliminiń aǵa qyzmetkeri Vladımır Vorobev. «Bul quny (óziniń aıtýy) degenińiz jer talǵamaıdy. Taýda da, tasta da júre beredi. Boıy alasa bolǵanymen óte qarýly. Tabandary jalpaq, bilekteri myqty. Jazǵyturym, qys ýaqytynda ara-tura kórip júremiz. Park qyzmetkerleri jyrtqyshty buǵan deıin de talaı ret sýretke túsirgen. Bul – sońǵy túsirilgen sýreti» deıdi Katonqaraǵaı memlekettik ulttyq tabıǵı parkiniń Janýarlar álemin qorǵaý jáne óndirý bóliminiń basshysy Erik Qasymov.
Júretin jerin ǵana emes, tamaqty da talǵamaıtyn quný ólekseni de jeı beredi, qatty ashyqsa tipti, buǵy-maral, bulannyń ózin de qoregine aınaldyrady deıdi biletinder. Quný Altaıda bar bolǵanymen elimizde óte sırek. Halyqtyń kóbi bul jyrtqyshty negizinen teledıdar arqyly biledi. Katonqaraǵaı memlekettik ulttyq tabıǵı parkin 100-den astam quný mekendeıdi.
Shyǵys Qazaqstan oblysy,
Katonqaraǵaı aýdany
