Parlament • 29 Sáýir, 2020

N.Nyǵmatýlın: Jańa túzetýler sybaılas jemqorlyqpen kúrestiń tıimdiligin arttyrady

33 retkórsetildi

Májilis Spıkeri Nurlan Nyǵmatýlınniń tóraǵalyǵymen ótken Palatanyń jalpy otyrysynda depýtattar sybaılas jemqorlyqqa qarsy is-qımyl máseleleri týraly zań jobasyn  birinshi oqylymda maquldady.

Májilis Tóraǵasy Nurlan Nyǵmatýlın atalǵan zań jobasyna engizilgen jańa túzetýler arqyly aǵymdaǵy jyly Parlament sessııasynyń ashylýynda Memleket basshysy Qasym-Jomart Toqaevtyń tapsyrmasy júzege asyrylǵanyn atap ótti.

– Osy maquldanǵan zań jobasy elimizdiń ashyq jáne turaqty damýy jolyndaǵy taǵy bir mańyzdy qadam deýge bolady. Sebebi árbir demokratııalyq damyǵan elde sybaılas jemqorlyqqa jol joq. Sondyqtan Prezıdent Qasym-Jomart Toqaevtyń tikeleı tapsyrmasymen ázirlengen osy zań jobasy jemqorlyqpen kúresti odan ári kúsheıtýge baǵyttalyp otyr. Osy jolda zań jobasyna jemqorlyqpen kúresti júıeli túrde júrgizýge arnalǵan kóptegen ózgeris engizildi. Onyń basty maqsaty – kez kelgen zań buzýdyń aldyn alý jáne boldyrmaý, – dedi Nurlan Nyǵmatýlın.

Májilis depýtattary Memleket basshysynyń tapsyrmasyna sáıkes, qylmystyń kez kelgen túrin arandatqany úshin qylmystyq jaýapkershilikti sybaılas jemqorlyqqa qarsy organdardyń qyzmetkerlerine ǵana emes, jalpy kez kelgen quqyq qorǵaý organdarynyń qyzmetkerlerine belgileýdi usyndy. Bas Prokýratýranyń, Sybaılas jemqorlyqqa qarsy is-qımyl agenttiginiń, Ishki ister jáne qarjy mınıstrlikteriniń ókilderi depýtattardyń bul usynysymen kelisip, qujat jobasy ekinshi oqylymǵa deıin pysyqtalatyn boldy.

Sonymen qatar búgingi jalpy otyrysta depýtattar kótergen taǵy bir másele óz sheshimin tapty. Ol jóninde Májilis Tóraǵasy:

– Endi tek birinshi basshylar ǵana emes, kvazımemlekettik sektorda qyzmet etetin laýazymdy tulǵalar da jemqorlyq úshin jaýapqa tartylady. Bul norma boıynsha da Memleket basshysy Qasym-Jomart Toqaevtyń tapsyrmasy júzege asyrylady. Bul ádil jáne durys qadam dep esepteımin. Ony qoldaýymyz kerek, – dedi.

Talqylaýdy qorytyndylaǵan Nurlan Nyǵmatýlın osy zań jobasynyń nátıjesinde sybaılas jemqorlyqqa qarsy kúrestiń tıimdiligi artatynan alǵa tartty.

Sondaı-aq zań jobasy arqyly quqyq qoldaný praktıkasynda týyndaǵan quqyqtyq olqylyqtar men kollızııalardy joıýǵa, sybaılas jemqorlyqqa qarsy is-qımyl jónindegi ýákiletti organnyń mártebesi men uıymdyq qyzmetine qatysty máselelerdi retteýge baǵyttalǵan normalar bekitiledi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar