Aımaqtar • 29 Sáýir, 2020

Almaty oblysy: Sýarmaly alqaptardyń kólemi artty

25 retkórsetildi

Almaty oblysyndaǵy ırrıgasııa júıesiniń jalpy uzyndyǵy 17 myń shaqyrymǵa jetedi eken. Iаǵnı, Jetisý ólkesi sýarmaly alqaptar kólemin jaǵynan da el boıynsha aldyńǵy orynda tur.

Qýanarlyǵy, bul kórsetkish jyl saıyn ósip keledi. О́ıtkeni, óńirde sý sharýashylyǵy salasyndaǵy qalpyna keltirý isi júıeli  júrgizilip otyr. Máselen, bıylǵy jyly «Jumyspen qamtýdyń jol kartasy» sheńberinde Almaty oblysyndaǵy sý sharýashylyǵynyń 4 nysany qaıta jańǵyrtylady eken. Onyń ishinde aýyz toltyryp aıtarlyq jumys Kóksý men Qaratal bógetteri, Panfılov aýdanynyń О́sek sý toraby jáne Taldyqorǵan qalasynyń sýarý jelilerinde júrip jatyr. Buǵan respýblıkalyq bıýdjetten 3,662 mlrd teńge qarjy bólindi. Nátıjesinde 2300 gektar sýarmaly jerdi qalpyna keltirý josparlanýda.

Oblystyq aýyl sharýashylyǵy basqarmasynyń málimetinshe, 2016 jyldan beri sýarý jelilerin qaıta qurý arqyly alańy 137,8 myń gektar sýarmaly alqap qalpyna kelgen. Bul sýarmaly jerlerdi qalpyna keltirý baǵdarlamasy aıasynda iske asyryla bastaǵan jumystyń bir parasy. Qazir osy maqsatta oblys  bıýdjetinen 3,1 mlrd teńge somaǵa sýarý jelilerin qaıta jańartýdyń jobalyq-smetalyq qujattary taǵy ázirleýnýde. Al 2019 jyldan bastap Islam Damý Bankiniń qarajaty esebinen Aqsý, Alakól, Eskeldi, Kóksý aýdandarynyń sýarý jelilerin qaıta jańǵyrtý jobalary iske asyrylýda. Osy tórt aýdanda barlyǵy 35,4 myń ga sýarmaly jer qalpyna keltiriledi.

Oblysta kommýnaldyq menshiktegi sý sharýashylyǵy obektilerin kúrdeli jóndeý de nazardan tys qalmaıdy. Jyl saıyn sý sharýashylyǵy nysandaryn kúrdeli jóndeýge 2 mlrd teńgege deıin qarajat bólinýde. Bıyl 11 sý sharýashylyǵy - Raıymbek aýdanyndaǵy Úkirshi magıstraldy kanaly, Jambyl aýdanyndaǵy Dostyq, Qutyrǵan, Knıjevskıı, Talap Sasyqbaı sý qoımalary, Ile aýdanyndaǵy Qyzyl tý-1, Qyzyl tý-2 toǵandary men K-32 sý qoımasy, Qarasaı aýdanyndaǵy Oktıabr-2 sý qoımasy,  Talǵar aýdanyndaǵy tómengi Qutentaı sý qoımasy, Kerbulaq aýdanyndaǵy Enkól jáne Aral tóbe sý qoımalary kúrdeli jóndeýden ótkiziledi.

Sonymen qatar oblysta jańa sýarmaly jerlerdi aınalymǵa tartýdy kózdeıtin «2028 jylǵa deıin sýarmaly jerlerdi damytý jospary» da bar. Soǵan sáıkes oblysta jańadan 81,8 myń ga sýarmaly jerlerdi iske qosý mejelengen. Ol úshin óńirdiń 10 aýdanynda 5 jańa sý qoımasy, ırrıgasııalyq júıeler, sorǵy stansııalary men uńǵymalardyń qurylystary jáne qaıta jańartý jumystary jasalmaq.

 

Almaty oblysy

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar