Aımaqtar • 29 Sáýir, 2020

Qolyńnan kelse qoldaý jasa...

9 retkórsetildi

Soltústik Qazaqstandyq qoǵamdyq uıymdar erekshe rejimde eńbek etip jatqan polıseıler men medısınalyq qyzmetkerlerge qoldan kelgen kómekterin kórsetýde.

Olar blok beketterde jaman indetti qala men eldi mekenderge engizýi múmkin jolaýshylardy qatań tekseristen ótkizip, kúndiz-túni kezekshilikte turǵandarǵa antıseptık, betperde, bir rettik saqtandyrý kostıýmderin, tipti dámdi taǵamdar men kókónister de jetkizip berýde. 

«Qazirgi ýaqytta bizde barlyq qorǵanys quraldary bar. Alaıda, jaǵdaıǵa beı-jaı qaramaıtyn qala turǵyndarynyń qaıyrymdylyǵyna rızashylyǵymyzdy bildiremiz», - dep atap ótti Petropavl qalasy PB patrýldik polısııa batalony komandıriniń mindetin atqarýshy Qanat Álimjanov.

Sondaı janashyr uıymdardyń arasynda oblystyq salalyq kásipodaqtyń ókilderi medısınalyq qyzmetkerlerge qorǵanys kostıýmderin jetkizip bergen. Sonymen qatar, olar betperdeler de ákelgen. Kúzetshilerge dámdi tamaqtar da ákelip, olardyń bir mezgil úıdiń tamaǵyn ishýine múmkindik jasaǵan. Mundaı qaıyrymdylyq isterden «Isker áıelder qaýymdastyǵy», «Qazaqstan halqy assambleıasy», «Eriktiler uıymy», kásipkerler de qalys qalmady. Osy is-sharalardy uıymdastyrýǵa Polısııa departamenti janyndaǵy Konsýltatıvti-keńesshi organnyń músheleri de eleýli úles qosty. «Biz Polısııa departamenti janyndaǵy Konsýltatıvti-keńesshi organnyń (KKO) músheleri bolǵandyqtan, kómek kórsetýden shet qala almadyq. Tártip saqshylaryna qazirgi ýaqytta kez-kelgen qoldaý qajet, bul olardyń óz mindetterine degen jaýapkershiligin arttyrady», - deıdi KKO múshesi Erlan Toqshylyq.

Soltústik Qazaqstan oblysy

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar