Aımaqtar • 29 Sáýir, 2020

Bıyl Pavlodarda qos teatr jóndeýden ótedi

20 retkórsetildi

J. Aımaýytov atyndaǵy qazaq mýzykaly drama teatryna bul maqsatqa 402 mln teńge bólingen, dep habarlady pavlodarnews.kz tilshisi.

Bul týraly onlaın baspasóz konferensııasynda oblystyq mádenıet, tilderdi damytý jáne arhıv isteri basqarmasynyń basshysy Ernur Dáýenov aıtty.

-Atalǵan qarajatqa tetatrdyń tóbesi, ǵımarattyń qasbeti, grım jasaý jáne basqa da bólimderi jóndeledi, - deıdi Ernur Dáýenov. – Sondaı-aq úlken májilis zaly jańǵyrtýdan ótedi. Jóndeý jumystary kezinde spektaklderdi toqtatýǵa týra keledi. Sondaı-aq teatrdyń 29-shy týǵan kúnine oraı Toraighyrov University óner ujymyna magıstratýrada bilimin jetildirýge   10 grant usynǵan bolatyn. Ol úshin shekti bal jınaý qajet. Joǵary oqý ornymen kelisimshart jasalǵan. Ártister bilim ala alatyn tórt mamandyq bar.

Basqarma basshysynyń aıtýynsha, A. Chehov atyndaǵy teatr ǵımaratynyń ekinshi bóligin jóndeý jumystaryna «Bıznestiń jol kartasy 2025» baǵdarlamasy sheńberinde 188 mln teńge bólingen.

-Bul joly ǵımarattyń ekinshi bóligi ǵana jóndeledi, - deıdi Ernur Dáýenov. – Sebebi, 2011 jyly birinshi bóligi: foıe, úlken zal men ákimshilik blok jóndeýden ótkizilgen. Bıyl shaǵyn májilis zaly, horeografııalyq blok, negizgi ǵımarattyń bir bóligi, kostıým jáne tigin sehy, vıdeokontent montajdalatyn bólme retke keltiriledi. Bul bóligi teatrdyń irgetasy qalanǵaly 100 jyldan beri jóndeý kórmegen. Qazirgi tańda konkýrstyq sharalar ótýde. Jóndeý jumystary merekeden keıin bastalady jáne qoıylymdarǵa kedergi bolmaıdy.

 

 

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar