Aımaqtar • 29 Sáýir, 2020

Jambyl oblysynda júıeli jumystar jalǵasýda

176 retkórsetildi

Qazirgi kezde álemdi sharpyǵan koronavırýs indetimen kúres basty másele bolyp otyr. Bul oraıda Jambyl oblysynda da tıisti sharalar qabyldanyp, jumystar júrgizilýde. Oblys ákiminiń orynbasary Erjan Jylqybaev óńirlik kommýnıkasııalar qyzmetiniń alańynda brıfıng ótkizip, áýeli koronavırýs indetine qarsy atqarylyp jatqan jumystarǵa toqtaldy.

«Búgingi tańda oblysta 113 adam koronavırýs indetin juqtyrǵan. Atalǵan azamattar bizdiń óńirge ózge elderden nemese basqa qalalardan kelgen. Aıtar bolsaq, Qyrǵyzstan Respýblıkasy, Reseı, Úndistan elderinen 26 adam kelgen jáne osy naýqastarmen baılanysta bolǵan adamdardan anyqtalýda. Qazirgi tańda testileýden 6700 adam ótti. Olar áleýmettik mańyzy bar mekemelerdiń qyzmetkerleri, dárigerler, áskerıler, tótenshe jaǵdaı qyzmetkerleri jáne taǵy basqalar. Bul jumysty odan ári jalǵastyratyn bolamyz», deıdi Erjan Jylqybaev. Sonymen qatar, ol óńirge búginde «Tengız Shevron» mekemesinde jumys isteıtin 300 adamnyń kelgenin jáne ózge de mekemelerde vahtalyq jumysta isteıtin jambyldyqtardyń kelip jatqanyn, olardyń bári jappaı testileýden ótýde ekenin jetkizdi. Jalpy, Erjan Jylqybaevtyń aıtýynsha, búginde 43 naýqas jazylyp, aýrýhanadan shyǵarylǵan. Qalǵan 62 azamattyń jaǵdaıy turaqty. Karantınnen 1784 adam shyqqan. Naýqastardy emdeý jáne oqshaýlaý úshin 1364 tósek qory ázirlenip, 984 tósek qoldanysqa berilgen. Stasıonarlarǵa jatqyzý kezinde sıkldik tártip qatań saqtalady. Koronavırýs indetimen kúresý úshin Jambyl oblysy boıynsha 770 medısına qyzmetkeri jumys atqarady. «Qazirgi tańda aq halatty abzal jandardyń zor eńbekteriniń kýási bolyp otyrmyz. Barsha medısına qyzmetkerlerine eren eńbekteri úshin alǵysymyzdy bildiremiz. El Prezıdenti medısına salasynyń qyzmetkerlerine qosymsha ústemaqy tóleý boıynsha tapsyrma bergen bolatyn. Búgingi kúnge oblys boıynsha 2000 medısına qyzmetkerine 190 mıllıon teńge qarjy bólinip, tólenýde. Budan basqa, aldyńǵy shepte júrgen sala qyzmetkerlerine jaǵdaı jasaý úshin eki qonaqúıge 132 medısına qyzmetkerleri ornalastyrylyp, olardyń júrip-turýyna arnaıy tasymaldaý uıymdastyryldy jáne tańǵy, túski, keshki aspen qamtamasyz etildi», dedi oblys ákiminiń orynbasary.

Búginde oblysta medısınalyq buıymdar men qajetti preparattar qory jetkilikti. Naqty aıtsaq, 6 441 dana kostıýmder, 157 432 dana bir rettik maskalar, 1 200 vırýsqa qarsy preparattar, 5 384 antıseptıkter jáne  dezınfeksııalyq zattardyń (1122425 tabletka, 1862 quty, 3486 lıtr, 5125 kılogramm) qory bar. Shuǵyl shyǵyndarǵa jalpy 1,5 mıllıard teńge kóleminde qarajat bólingen. Sonymen qatar, qajetti medısınalyq maqsattaǵy buıymdar men zerthanalyq quraldar, jeke qorǵanysh quraldary, dári-dármekter satyp alý, jetkizý jumystary uıymdastyrylyp, júrgizilýde. Sondaı-aq, jıynda Qordaı aýdanynda qosymsha laboratorııa jasaqtalyp, sonyń arqasynda analızderdiń nátıjesin alý ýaqyty 6 saǵatqa qysqartylǵany aıtyldy. Qosymsha 3 laboratorııa ashylyp, óńirde barlyǵy 6 laboratorııa jumys istep tur. Al, analızdiń nátıjesin bilý úshin Taraz qalasyna kelip-ketýdiń qajeti joq eken. О́z sózinde Erjan Jylqybaev Merki aýdandyq aýrýhanasyndaǵy keleńsizdikter boıynsha oblys ákimi Berdibek Saparbaevtyń tapsyrmasymen arnaıy komıssııa qurylyp, tekserý jumystarynyń júrgizilgenin, bas dáriger, onyń orynbasary jáne bas esepshi jumystan bosatylǵany jóninde buqaralyq aqparat quraldarynda jarııalanǵanyn aıtty. Sonymen qatar, osy ýaqytqa deıin basshysy joq «Merki aýdandyq ortalyq aýrýhanasy», «Jambyl oblystyq kópbeıindi balalar aýrýhanasy», «Jambyl oblystyq kópbeıindi aýrýhanasy», «Qalalyq kópbeıindi aýrýhanasy», «Jambyl oblystyq psıhıkalyq densaýlyq ortalyǵy» jáne «Jambyl aýdandyq ortalyq aýrýhanasy» sııaqty 6 mekemege konkýrstyq komıssııanyń sheshimimen bas dárigerler taǵaıyndalǵan. Oblys ákiminiń orynbasary búgingideı syn saǵatta dárigerlerge júkteletin jumystyń aýqymdy ekenin, desek te jańa taǵaıyndalǵan bas dárigerlerden jaýapkershilik pen kásibılikti kútetinin jetkizdi.

«Taǵy da aıta ketetin dúnıe, ol turǵyndar tarapynan kóterilgen máselelerge jaýap berý, jyldam áreket etý, karantın talaptaryn túsindirý maqsatynda Taraz qalasynda «109 járdem, jedel áreket shtabyn» qurdyq. Turǵyndardyń ıgiligine táýligine 24 saǵat qyzmet jasap otyr. Bul «Halyq únine qulaq asatyn memleket» prınsıpi júıesi aıasynda qyzmet etetin turǵyndar úshin ońtaıly qural. Tótenshe jaǵdaı ýaqytynda memlekettik mekemelerden halyq der kezinde áreket etetin tyndyrymdy tirlikti kútetini sózsiz. Búgingi kúnniń talaby da osy. Negizgi mindetimiz – vırýstyń taralýyna jol bermeý. Oblys aýmaǵynda ornatylǵan barlyq 48 blok-beketterdiń jumysy kúsheıtildi. Barlyǵy 1000 adam jumyldyryldy. Onda arnaıy kamera, palatkalar ornatylyp, teplovızormen jáne qajetti qural-jabdyqtarmen qamtamasyz etildi. О́ńir turǵyndarynyń densaýlyǵynyń qaýipsizdigin indetten qorǵaıtyn qalqan osy posttar bolyp otyr. Ondaǵy árbir qyzmetker ózine júktelgen mindetti múltiksiz algorıtm talaptaryna saı oryndaý kerek», dedi Erjan Jylqybaev.

Memleket basshysy Qasym-Jomart Toqaev óziniń Úndeýlerinde, memlekettik komıssııa otyrystarynda halyqtyń áleýmettik áleýetine basty nazar aýdaryp keledi. Oblys ákiminiń orynbasary osyǵan oraı, óńirde turǵyndardy áleýmettik qoldaý boıynsha keshendi túrde kómek kórsetilýde ekenin jetkizdi. Tótenshe jaǵdaıǵa baılanysty tabysynan aıyrylǵan tulǵalarǵa taǵaıyndalatyn 42 500 teńge biryńǵaı jıyntyq tólemder tólegenderdi qosqanda barlyǵy 268 882 azamatqa tólengen. Tek osy baǵytta 11,4 mıllıard teńge jumsalǵan. «Memleket basshysynyń tapsyrmasy boıynsha oblystaǵy 77 130 adamǵa quny 5567 teńgeni quraıtyn 429 mıllıon teńgeniń azyq-túlik jıyntyǵy tólendi. Sonymen qatar, oblystyq ekonomıkalyq tergeý departamenti tarapynan tárkilengen quny 546,5 mıllıon teńgeni quraıtyn 530 myń dana kıim-keshekter kommýnaldyq menshikke alynyp, muqtaj jáne áleýmettik jaǵdaıy tómen otbasylarǵa taratylatyn bolady», dedi Erjan Jylqybaev. Budan bólek, Nur Otan partııasy Jambyl oblystyq fılıalymen birlese, «BizBirgemiz» qory qarajatynan Taraz qalasy boıynsha halyqtyń áleýmettik osal toptaryna kómek berý jumystary júrgizilgen. Azamattar tizimi 7 sanat boıynsha jasaqtalyp, búgingi kúnge 16 768 azamattyń esep shottaryna 50 myń teńgeden aýdarylǵan. Barlyǵy 838 mıllıon teńge qarajatqa kómek kórsetilýde. Sondaı-aq, Nur Otan partııasynyń aımaqtaǵy belsendi músheleri, jeke kásipkerlerdiń kómegimen 80 mıllıon teńge kóleminde qarjy jınalyp, 3000 otbasy alǵashqy kezektegi qajettiliktegi azyq-túlik sebetterimen qamtylǵan. Oblystyń 400 myń turǵynyna 20 mıllıard teńgege jýyq áleýmettik tólemder tólengen. Brıfıng barysynda munyń bári memlekettiń qoldaýy ekenin atap ótken Erjan Jylqybaev búgingi tańda halyq úshin mańyzdy aqparattyń biri – tótenshe jaǵdaı kezeńinde kommýnaldyq qyzmetterdi jetkizýshilerdiń shyǵyndaryn óteý ekenin aıtty. Kommýnaldyq qyzmetterdi óteý birinshiden 1, 2, 3 toptaǵy múgedekter, múgedek bala tárbıeleýshi otbasylar, kópbalaly otbasylar, Uly Otan soǵysynyń múgedekteri men qatysýshylary jáne UOS múgedekteri men qatysýshylaryna teńestirilgen azamattar, memlekettik nemese qoǵamdyq mindetterin, áskerı qyzmetin oryndaý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan adamdardyń otbasy, eń tómen jáne az zeınetaqy alatyn zeınetkerler, ataýly áleýmettik kómek alatyn azamattar, onyń ishinde jalǵyzbasty zeınetkerler sııaqty sanattardaǵy azamattarǵa beriledi.

«Kommýnaldyq qyzmet tutynýshylardyń derbes esep shottaryna aı saıyn, 2 aıǵa tikeleı 15 myń teńge kóleminde shyǵyndar ótelip turady. Jalpy, oblys boıynsha osy baǵytta 119 myń turǵyndy qamtýdy josparlap otyrmyz. CALL ortalyq quryldy. Osy tótenshe jaǵdaı ýaqytynda eń úlken máseleniń biri – halyqtyń tabysyn arttyrý bolsa, bul birinshi kezekte nátıjeli jumyspen qamtý arqyly sheshiletini sózsiz. Memleket tarapynan halyqty jumyspen qamtý jáne jappaı kásipkerlikke tartý boıynsha «Eńbek» memlekettik baǵdarlamasy iske asyrylýda. Oblysta atalǵan baǵdarlamany júzege asyrý úshin 2020 jylǵa 17 mıllıard teńge bólindi. Onyń ishinde respýblıkalyq bıýdjetten 13,0 mıllıard, jergilikti bıýdjetten 3,8 mıllıard teńge. Aǵymdaǵy jyldyń 3 aıynda baǵdarlamamen 8085 adam qamtyldy. Jyldyq jospar 49100 adam, ol 16,5 paıyzǵa oryndaldy. Respýblıkalyq bıýdjetten kórsetilgen qoldaý nátıjesinde oblysqa 136 mıllıard teńge bólindi, 30 myń jumys oryndary ashylady. Sonyń ishinde jumyspen qamtýdyń jol kartasy aıasynda oblysta barlyǵy 831 ınfraqurylymdyq jobany iske asyratyn bolamyz», dedi ákimniń orynbasary. Sonymen qatar, ol bul maqsattaǵy 690 jobaǵa 70 mıllıard teńge jáne Qordaı aýdany boıynsha 141 jobaǵa 12 mıllıard teńge qarjy qaralǵan. Aǵymdaǵy jyly josparlanǵan jobalardyń esebinen 20 myńǵa jýyq jumys oryndary ashylatyn bolady. Infraqurylymdyq jobalar negizgi 4 baǵyt boıynsha iske asyrylady. Áleýmettik-mádenı nysandarǵa jatatyn 181 jobaǵa 11,1 mıllıard teńge qaralyp, 3715 jumys oryndary ashylady. Turǵyn-úı kommýnaldyq sharýashylyǵy nysandaryna jatatyn 179 jobaǵa 24,2 mıllıard teńge qaralyp, 8092 jumys oryndary ashylady. Sonymen qatar, ol ınjenerlik-kólik ınfraqurylymdyq nysandaryna jatatyn 208 jobaǵa 16,6 mıllıard teńge qaralyp, 5531 jumys oryndary ashylsa, eldi mekenderdi abattandyrý nysandaryna jatatyn 122 jobaǵa 4,3 mıllıard teńge qaralyp, olarda 1407 jumys oryndary ashylatynyn málimdedi. Budan keıin ol mektep oqýshylarynyń qashyqtyqtan bilim alýyna oraı qoıylǵan suraqqa jaýap berdi. Tótenshe jaǵdaıǵa baılanysty oblys aýmaǵynda barlyq 442 orta bilim berý mekemeleri 6 sáýirden bastap qashyqtyqtan oqytý rejımine aýysqanyn aıta kele, 235 mektepte qoljetimdi platformalarda qashyqtyqtan sabaqtar ótkizilýde ekenin, oǵan 193200 oqýshyy qamtylǵanyn jetkizdi. Sol sııaqty bıylǵy Uly Jeńistiń 75 jyldyǵyna oraı ardagerlerge memleket tarapynan qandaı qoldaýdyń bolyp jatqany týraly suraqqa da jaýap berdi. «Búgingi kúnge oblysta 58 soǵys ardageri men soǵys múgedekteri bar. Olarǵa 9 mamyr Jeńis kúnine 1,0 mıllıon teńgeden birjolǵy áleýmettik kómek kórsetiledi. Soǵys ardageri men soǵys múgedekterimen teńestirilgen 2103 adam bar. olarǵa 100,0 myń teńgeden birjolǵy áleýmettik kómek kórsetiledi. Jalpy, 6814 adamdy birjolǵy áleýmettik kómekpen qamtý úshin barlyǵy 501,0 mıllıon teńge qarastyryldy», dedi ol.

Brıfıngti qorytyndylaǵan Erjan Jylqybaev koronavırýs indetine baılanysty tótenshe jaǵdaı kezinde oblys basshysy Berdibek Saparbaevtyń basshylyǵymen keshendi áleýmettik qoldaý sharalary qabyldanǵanyn, óńirdegi kásipkerlermen birlese muqtaj jandarǵa túrli kómek kórsetilip, indetke qarsy saqtyq sharalary men aldyn alý jumystary júrgizilýde ekenin aıta kelip, batyr Baýyrjan Momyshulynyń «Tártipke bas ıgen qul bolmaıdy» degen sózin esten shyǵarmaı, kópshilikti karantın talaptaryn saqtaýǵa shaqyrdy.

 

Jambyl oblysy

 

 

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar