29 Sáýir, 2020

Pavlodar oblysynda kóktemgi egistik jumystary bastaldy

8 retkórsetildi

Pavlodar oblysynda aýylsharýashylyǵy ónimderin óndirýshiler egis alqaptaryndaǵy jumystaryn bastap ketti. 623,1 myń ga astam jer aýmaǵy ylǵaldandyryldy, 107,1 myń jer jyrtyldy, 78,3 myń ga jer egistik aldyndaǵy óńdeýden ótti. Bul týraly AShM baspasóz qyzmeti habarlady.

Egistik jumystaryna - 912 tehnıka jumyldyryldy. Atap aıtqanda ylǵal jabýǵa -664, jyrtýǵa -188, óńdeý jumystaryna 78,3 myń tehnıka.

12,2 myń ga jer aýmaǵyna kópjyldyq shóp, 30 ga aýmaqqa kókónis (sábiz) egildi.

Bıylǵy jyly egistik alqaptary 153,1 ga ulǵaıtylyp, 1 mln 480,3 myń ga jerdi qurady, bul byltyrǵy jyldyń deńgeıimen salystyrǵanda  11,5% -ǵa artyq. Negizgi basymdyq jemshóptik daqyldarǵa berilip, 140 myń ga jerge egilý josparlanyp otyr. Sondaı-aq, maıly daqyldar aýmaǵy 30 myń ga, kartop 1,5 myń ga, kókónister 700 ga arttyrylmaqshy.

Egis jumystaryna tehnıka tolyq daıyn. Tutas alǵanda egis naýqanyna 11 184 traktor, 182 egis kesheni, 1 274 sepkishterdiń barlyq túrleri jumyldyrý josparda.

Qazirgi ýaqytta 4,8 mlrd teńgege 118 dana tehnıka, 3,2 mlrd teńgege 79 dana tehnıka óz qarajattarynan, 1,6 mlrd tengege 39 dana tehnıka «KazAgroQarjy» AQ esebinen alyndy.

О́simdik sharýashylyǵyn qoldaýǵa jergilikti bıýdjetten 3,1 mlrd teńge sýbsıdııa bólindi. «Agrobıznes» jáne «Keń-dala» baǵdarlamalary boıynsha «Agrarlyq nesıe korporasııasy» AQ arqyly kóktemgi egistik jumystaryn júrgizý úshin 3,1 mlrd teńgege 100-den astam jeńildetilgen nesıe berý josparlanyp otyr.

Karantın kezeńinde 2510 dana aýylsharýashylyq tehnıkasy men kóktemgi dala jumystaryna tartylǵan 1370 adamnyń beketterden kedergisiz ótý máselesi sheshilgen.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar