Olardyń arasynda 2051 kópbalaly otbasy bar. Sondaı-aq 12059 memlekettik jáne bıýdjet qyzmetkeri ótinish beripti. Al, 1141 adam jetim, 160 adam apatty úıdiń turǵyny retinde, áleýmettik turǵydan qorǵalmaǵan sanattaǵy 6121 otbasy da tizimge tirkelip otyr.
–Byltyr «Nurly jer» baǵdarlamasymen 246, bıylǵy birinshi toqsanda 252 páter berildi. «Baqytty otbasy» baǵdarlamasy aıasynda ótken jyly 72 otbasy baspanaǵa ıe boldy. Bıyl bul baǵdarlamamen úı alýǵa 118 adam ótinish berdi. Tizimge tirkelgen turǵyndar kezegin elektrondy úkimet portaly arqyly baqylaı alady, dedi Rafhat Joldıev.
Onyń aıtýynsha, qazir Atyraýda apatty dep tanylǵan kópqabatty 79 úı bar. Onyń 10-y – jataqhana.
