Qoǵam • 29 Sáýir, 2020

Ushaqqa anyqtamamen mingizedi

56 retkórsetildi

Prezıdent janyndaǵy Ortalyq kommýnıkasııalar qyzmetiniń alańynda ishki áýe reısterin qaıta iske qosqan soń sanıtarlyq-karantındik baqylaýdy kúsheıtý barysy týraly baspasóz máslıhaty ótti.

Eldegi jaǵdaı salystyrmaly túrde turaqtanǵanyn eskere otyryp, 1 mamyrdan bastap elorda men Almaty arasyndaǵy reıster ashylatyny belgili. Áıtse de, erkinsýge áli erte. Memleket úshin el azamattarynyń densaýlyǵy mańyzdy. Soǵan oraı Kóliktegi taýarlar men qyzmetterdiń sapasyn jáne qaýipsizdigin baqylaý departamentiniń basshysy, Kóliktegi bas memlekettik sanıtarlyq dáriger Sádýaqas Baıǵabylov ushaqqa minetin jolaýshylardyń arnaıy anyqtama qaǵazy bolýy kerektigin eskertti.

– Ishki avıareıster ashylsa da, sanıtarlyq-karantındik baqylaý kúsheıtiledi. Ushaqqa bılet almas buryn Covid-19 pandemııasynyń belgileri joqtyǵy týraly anyqtama alýyńyz qajet. Ol úshin jol júrer merzimińizden erterek tekserilgenińiz abzal.  Bul anyqtama 1 aptaǵa jaramdy. Sol ýaqytta keri qaıtyp úlgerý kerek, – dedi S.Baıǵabylov.

Koronavırýs juqtyrmaǵany týraly anyqtama quny 11500 teńgeni quramaq. Al jeke testileý ortalyqtarynda 19-20 myń teńge kóleminde bolady.

Baspasóz máslıhaty barysynda Kóliktegi taýarlar men qyzmetterdiń sapasy jáne qaýipsizdigin baqylaý departamentiniń sanıtarlyq-karantındik pýnktteriniń basshysy Darııa Ázimbaeva jolaýshylar mindetti túrde betperde men medısınalyq qolǵap kııýi kerektigin aıtty.

– Bul mindetter departament basshysynyń qaýlysyna sáıkes júzege asyrylady. Sanıtarlyq-karantındik baqylaý bóliminiń mamandary termometr arqyly jolaýshylardyń temperatýrasyn baqylaýda ustaıdy. Áýe reısteri jıi-jıi dezınfeksııalanady. Jolaýshylar ushaqqa bir-birinen qashyq oryndarda, ıaǵnı aralaryna 1 oryndyq qaldyryp otyrady.  Ushaq burynǵydaı toly bolmaıdy. Bıletterdiń 60 paıyzy ǵana satylmaq, – dedi D.Ázimbaev.

Spıkerlerdiń aıtýynsha, ushaq bıleti qymbattaýy múmkin, onyń baǵasyn Azamattyq avıasııa komıteti sheshedi.

 

 

        

 

        

Sońǵy jańalyqtar

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar