Osyǵan oraı, búgin aqparattyq-kommýnıkasııalyq ortalyǵynda ótken onlaın brıfıngte Shymkent qalalyq turǵyn úı jáne turǵyn úı ınspeksııasy basqarmasynyń basshysy Ǵalymjan Tólepov turǵyndarǵa beriletin ótemaqyǵa qatysty jan-jaqty aqparat berdi.
-Atalǵan kómekti alý úshin azamattardan ótinimderdi qabyldaý maqsatynda «communal-komek.kz» saıty iske qosylǵan bolatyn. Onda árbir azamat óziniń JSN, áleýmettik mártebesin jáne jeke shottaryn engize otyryp, ótinim bere alady. Jalpy 21 sáýirden bastap 22 390 ótinim kelip tústi. Onyń ishinde 14 773 azamattyń jeke shottary sáıkestigi derekter arqyly tekserilip, nátıjesi boıynsha 7518 azamattyń esep shottary anyqtalmaǵan. Al 7 255 azamattyń ótinimi maquldanǵan, - dedi basqarma basshysy.
Aıta ketsek, áleýmettik kómek boıynsha azamattarǵa keńes berý maqsatynda Shymkentte Call-ortalyq ashylǵan. Ortalyq tańǵy 09:00 men 18:00-ge deıin úzilissiz jumys isteıdi. 15 000 teńge kólemindegi kommýnaldyq tólemge qatysty saýaldar bolsa, 8(7252) 39-23-68 nómirine habarlasýlaryńyzǵa bolady. Oǵan qosa, qalada volonterler arqyly «Izgilik» Call-ortalyǵy jumysyn jalǵastyrýda.
Shymkent
