Beıbit kúnniń jaqyndaýyna tyl eńbekkerleriniń de qosqan úlesi zor. Sondyqtan da jyl saıyn olarǵa jergilikti ákimdikpen qatar ár saladaǵy ujymdar da qurmet kórsetip, syılyqtar tabystaıdy.
Osyndaı ıgi dástúr Qordaı aýdanynda sáýir aıynda-aq bastalyp ketti. Aýdan ákimdiginiń tarapynan aýdannyń barlyq aýyldaryndaǵy tyl ardagerlerine qurmet kórsetilip otyr.
Al, qazirgideı karantın kezeńinde aýdandaǵy erikti jastar osyndaǵy jalǵyzbasty qarttardyń úıine baryp, úı sharýalaryna kómektesýdi dástúrge aınaldyrǵan. Aýdandyq ishki saıasat bóliminiń málimetinshe, búgingi tańda aýdan boıynsha 528 tyl ardagerleri bar. Búgin aýdandaǵy 100-den astam ardagerge qajetti azyq-túlik sebetteri tabystaldy. Sonymen qatar, ardagerlerge Qordaı aýdanynyń ákimi Rústem Dáýlettiń quttyqtaýy jetkizildi. Bul ıgi budan bylaı da shara jalǵasyn taýyp, aýdandaǵy barlyq tyl eńbekkerleri nazardan tys qalmaıdy.
Jambyl oblysy
