Aımaqtar • 29 Sáýir, 2020

Karantınde qalyp qoıǵandar

9 retkórsetildi

Pavlodar qalasynda ýaqytsha turyp kelgen Moldova azamattary endi elderine jetpek bolyp, Petropavl qalasy arqyly Reseı Federasııasyna ótpek bolǵan. Otbasy quramynda 7 eresek jan men 5 bala bar. Bular Pavlodar oblysynda turatyn týystaryna qonaqqa kelgen eken.

Endi Petrpavldan RF aýmaǵyna ótemiz dep otyrǵanda munda karantın rejimi bastalyp, eshkim shyqpaıtyn bolyp qalǵan. Sóıtipmoldovalyqtardyń úlken otbasy Qyzyljar aýmaǵynda qala bergen.

Olarǵa alǵashqy bolyp oblystyq Kóshi-qon qyzmeti basqarmasynyń qyzmetkerleri kómek qolyn sozǵan. Olar májbúrli qonaqtardy turǵyn úımen qamtamasyz etip qana qoımaı, qajetti zattaryn, sonyń ishinde gıgıenalyq zattar, balalarǵa pamperske deıin jetkizip bergen. Azyq-túlikpen qamtamasyz etýleri de turaqty bolyp turǵan. Mundaı qamqorlyq kóremiz dep oılamaǵan moldovalyqtar qazaqstandyqtarǵa sheksiz rızalyqtaryn bildirýde. «Qazaqstan halqy óte qonaqjaı eken. Qolymyzda kishkentaı balalarymyz bar. Olar sony kórip alǵashqy kúnnen-aq osyndaı qıyn sátte bizge qulshyna kómektesti. Baspana máselesin sheship berdi. Kerekti zattarymyzdy jetkizip berýde. Biz óte rızamyz. Rahmet!», - deıdi Moldova Respýblıkasynyń 38 jastaǵy azamaty Artýr Sherban.

Qazir oblysta karantın rejimi jumsartylýda. Moldovalyqtardyń óz eline qaraı saparǵa shyǵatyn kúnderi de alys emes. Sol kúndi taǵatsyzdana kútken jandar qazaqstandyqtardyń jomart minezderine de kúnnen kúnge tánti bolýda.

Jalpy, Kóshi-qon qyzmeti basqarmasynyń aqparatyna qaraǵanda karantın kúnderi Soltústik Qazaqstan oblysy aýmaǵynda 5500-den astam sheteldik azamat kete almaı qalyp qoıǵan. Biraq olardyń munda týǵan-týystary men tanystary kóp. О́zderi de buryn Soltústik Qazaqstanda turǵan Reseı Federasııasynyń azamattary. Sondyqtan olar eshkimniń qamqorlyǵyn kerek qylmaıdy.

Soltústik Qazaqstan oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar