Aýyl sharýashylyǵynyń órkendeýi, damýy qarjylandyrý máselesimen tikeleı baılanysty. О́kinishke qaraı, eldegi jaǵdaı qazirgiden jaqsy kezde agrarlyq sektordy ınvestısııalaýǵa onsha kóńil bólmegen ekinshi deńgeıli bankter daǵdarys kezinde tipti qulyqsyzdyq tanytýy múmkin. Investorlar da aýylǵa kóp jolaı bermeıtini aqıqat. Sondyqtan agrarlyq salanyń negizgi qarjylandyrýshy tiregi memleket bolyp otyr. Memleket sharýanyń údesinen shyǵatynyn kórsetýde.
El Prezıdenti kóktemgi egis naýqany durys uıymdastyrylyp, jumysqa eshqandaı kedergi bolmaýy kerektigin eskertti. Sharýalar úshin bıýdjetten 200 mlrd teńge bólýdi tapsyrdy. Onyń jartysyna jýyǵy tuqym óndirisin damytýǵa, tyńaıtqysh satyp alýǵa jumsalmaq.
Úkimet tarapynan fermerlerge jeńildetilgen nesıe berý joldary da qarastyrylǵan. Burynǵydaı qaptaǵan qujattan jınap, ony nesıe berýshilerge tasyp áýre bolmaısyz. Úıde otyryp-aq elektrondy túrde barlyq jumysty retteýge jaǵdaı jasaldy. Bıyl tuqym alý máselesi fermerlerdiń birazyn alańdatqan edi. Tuqymdy birden satyp alýǵa shaǵyn kásipkerlerdiń shamasy jete bermeıdi. Endi, mine, tólemdi tolyq jasamaı, bólip berýge múmkindik týdy. Oǵan qosa ýaqytsha salyqtan bosatý týraly sheshim qabyldandy. Osy sııaqty jeńildikterdiń nátıjesinde shaǵyn kásipkerlerdiń jumysy ónimdi bolatynyna senimdimin.
Qazir tehnıkalyq jabdyqtarǵa muqtaj sharýalar burynǵydan azaıdy. Memleket tarapynan kórsetilgen kómektiń qoljetimdiligin áli túsinbeı júrgender bolmasa, kópshiligi máselesin sheship aldy. Aýyl sharýashylyǵyn damytý qomaqty qordy qajet etedi desek, Úkimet tarapynan bólingen qarajat bul salany tolyqtaı aıaqtan turyp ketýine sep bolary sózsiz.
Kórshi elder azyq-túlik tapshylyǵyna tap bolmaý úshin agrarlyq sektorǵa jasalatyn qoldaýdy kúsheıtip, óndiris kólemin arttyrý, ishki azyq-túlik naryǵyn turaqtandyrý sııaqty máselelerge erekshe mán berip otyr. Qazaqstanda qolǵa alynǵan sharalar eldiń azyq-túligin qaýipsizdigin bekemdep qana qoımaı, kórshi elderdiń taýar ekspansııasyna da toıtarys berýge kómektesedi dep sanaımyn.
Ermek О́NERBAEV,
«Álmes» sharýa qojalyǵynyń basshysy
Almaty oblysy
