Tótenshe jaǵdaı kezinde volonter jastardyń da synalǵan shaǵy boldy desek artyq aıtpaspyz. О́ıtkeni, olar kómekke muqtaj jandarǵa járdem kórsetýmen aınalysyp, dezınfeksııalyq jumystarǵa atsalysty. Táýlik boıy shuǵyl qońyraý qabyldaıtyn qaýyrt jelide telefonǵa jaýap qatý da ońaı emes. Sondaı-aq, óńir eriktileriniń atsalysýymen 50 myń medısınalyq maska tigilip, taratyldy. Áleýmettik jaǵdaıy tómen, az qamtylǵan jáne kóp balaly otbasylar men jalǵyzbasty analarǵa, jalpy 10 myń otbasyna áleýmettik kómek kórsetilip, azyq-túlikpen qamtamasyz etildi. Ári volonterlar jalǵyzbasty qarııalardyń úılerine tazalyq jumystaryn júrgizedi.
Jalpy, qazir Almaty oblysyndaǵy volenterlerdiń jumysyn bir arnaǵa toǵystyrǵan «Meıirimdi Jetisý» front-keńsesiniń jumysy qyza túsken. Al jastardyń qoǵamdy ilgeri súıreýge qosqan úlesi memleket tarapynan da elenip otyr. Osy front-keńseniń úılestirýshi Jansaıa Smaǵulova volenterlik qyzmeti men tótenshe jaǵdaı kezindegi eriktilerdiń jumysyn joǵary deńgeıde uıymdastyrǵan úshin Memleket Basshysy Qasym-Jomart Toqaevtyń Alǵys hatymen marapattaldy. Prezıdenttiń alǵysyn Jansaıaǵa oblys ákimi Amandyq Batalov tabys etti. Quttyqtaý barysynda oblys basshysy Jansaıanyń tótenshe jaǵdaı kezinde ujymdyq eriktilikti uıymdastyrýdaǵy, muqtaj jandarǵa qol ushyn sozý jumystaryn úılestirýdegi, volonterlerdiń atqarǵan isterin buqaralyq aqparat quraldarynda nasıhattaýdaǵy úlesin atap ótip, Prezıdenttiń Alǵys hatyn jáne syı retinde óziniń qoltańbasy bar kitap tabystady.
- Bul marapat maǵan ǵana emes, barlyq jetisýlyq eriktilerge berilgen marapat dep dep bilemin. Biz birligimizben ǵana kúshtimiz. Men jalǵyz ózim eshteńe tyndyra almas edim, sondyqtan bul - ortaq jeńis. Búgingi Alǵys hat budan bylaıǵy jumysymyzǵa úlken serpin beredi. Prezıdentimizge volonterlerdiń jumysyn nazardan tys qaldyrmaǵanyna rızashylyǵymyzy bildiremiz. Bul jumystardy biz óz atymyzdy shyǵarý úshin emes, júrek qalaýymen jasap júrmiz. Biz úshin eń úlken marapat – halyqtyń alǵysy, - deıdi «Meıirimdi Jetisý» front-keńsesiniń úılestirýshisi Jansaıa Smaǵulova.
Almaty oblysy
