Qoǵam • 30 Sáýir, 2020

Birgemiz: Kómek berýdiń ekinshi kezeńi bastaldy

1685 retkórsetildi

Elbasynyń bastamasymen qurylǵan «Birgemiz» qoǵamdyq qory 50 myń teńge kólemindegi áleýmettik kómektiń ekinshi kezeńin bastady.

«Birgemiz» qoǵamdyq qory bul kómekti berýdiń ekinshi transhyn iske asyrýda. Sondaı kómekke ıe bolǵan jannyń biri – kókshetaýlyq Zınaıda Chelaeva. Jalǵyzbasty keıýana 40 jyl buryn apatqa ushyraǵan. Múgedek jannyń boıynda qant dıabeti, ókpe demikpesi tárizdi syrqattary bar. Densaýlyǵyna baılanysty jumys istemegendikten, eń tómengi zeınetaqy alatyn ájeıge qoǵamdyq qordyń 50 myń teńgesi ájeptáýir qoldaý bolatyndyǵy shyndyq.

– Bul aqshany bólgen qaıyrymdy jandarǵa myń da bir alǵys aıtamyn! Men úshin úlken qoldaý. Basymdy ıip rızashylyǵymdy aıtamyn. Densaýlyq, baqyt tileımin! – deıdi qala turǵyny Zınaıda Chelaeva. 

Ekinshi kezeń boıynsha oblys kóleminde múgedek jandarǵa, az qamtylǵan otbasylarǵa, tul jetimder jáne eń tómengi zeınetaqy alatyn zeınetkerlerge taratyldy.

– Búginde Kókshetaý qalasy ákimdigi bekitken tizim boıynsha bes myńnan astam azamatqa 50 myń teńge kóleminde kómek kórsetildi. Alǵashqy kezeń boıynsha 3 myńdaı azamatty qamtyǵan bolatynbyz. Bul kómekke tótenshe jaǵdaı kezinde shynymen aýyr jaǵdaıda qalǵan azamattar qamtyldy, – deıdi «Birgemiz Akmola» qoǵamdyq qorynyń jetekshisi Qazeztaı Dúısenov.

Qysyltaıań shaqta elimizde eshkimniń qıyndyqpen betpe-bet jalǵyz qalmaıtndyǵy kóp kóńilindegi senimdi uıalata túsýde.

 

Aqmola oblysy

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Nurbank 20 mlrd teńgege kapıtaldandyryldy

Ekonomıka • Búgin, 15:29

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar