Karantın rejımin buzǵandardyń basym bóligi mas kúıinde nemese qujatsyz kólik tizgindegender. Olardy polısııa saqshylary arnaıy júrgizilgen reıd barysynda anyqtady. Tártip bárine ortaq. Al, oǵan baǵynbaǵandar jazalanady. Máselen, bir kúnde tártip saqshylary quqyq buzǵan 11 avtokólik júrgýshisin anyqtaǵan. Onyń biri ýdaı mas bolsa, endi biriniń múldem qujaty joq bolyp shyqqan. 2 avtokólik aıyp turaǵyna qoıyldy. Sonymen qatar, karantın kezinde túnde óz kóligimen jolaýshylar tasymaldap, taksı qyzmetin atqarǵan 34 jastaǵy júrgizýshi quryqtaldy. Ol júrgizýshige ákimshilik-quqyq buzýshylyq Kodeksiniń 476-babyna sáıkes «tótenshe jaǵdaı rejımin buzý» jáne 612-babyna sáıkes «jolaýshylardy tasymaldaý erejesin buzýǵa» qatysty arnaıy hattamalar toltyryldy.
–Tótenshe jaǵdaıǵa baılanysty qaýlynyń oryndalýy oblystyq polısııa departamentiniń jiti qadaǵalaýynda. Iаǵnı, barlyq jeke menshiktik uıymdar men jekelegen azamattardyń shekteý sharalaryn saqtaýyn baqylaý maqsatynda kúndelikti reıd júrgiziledi. Alaıda, barlyq azamattar qalyptasqan jaǵdaıdyń mańyzdylyǵyn tolyq túsine bermeıdi. Tek sońǵy bir táýlikte tótenshe jaǵdaı rejımin buzǵan 60 adamǵa ákimshilik is qozǵaldy,–deıdi oblystyq ákimshilik polısııasy basqarmasy bastyǵynyń orynbasary Erjan Qoshqarbaev.
Karantın rejımin buzǵandarǵa zań qatań. Dese de, kólik qozǵalysy áli de tyıylmaı tur. Polısııa qyzmetkerleri turǵyndardan eskertýlerge qulaq asyp, tótenshe jaǵdaı rejımin qatań saqtaýǵa shaqyrady.
