Salyq komıteti 2012 jyly qarjy polısııasyna 350 zańdy tulǵanyń zańsyz kásipkerligi týraly málimet bergen. Al, 2013 jyly qarjy polısııasyna 316 salyq tóleýshi týraly málimet berildi. Salyq boıynsha bereshek 125 mlrd.teńge, dep habarlady salyq komıtetiniń tóraǵasy Ánýar Jumadildaev.
Salyq komıteti 2012 jyly qarjy polısııasyna 350 zańdy tulǵanyń zańsyz kásipkerligi týraly málimet bergen. Al, 2013 jyly qarjy polısııasyna 316 salyq tóleýshi týraly málimet berildi. Salyq boıynsha bereshek 125 mlrd.teńge, dep habarlady salyq komıtetiniń tóraǵasy Ánýar Jumadildaev. Prezıdent janyndaǵy Ortalyq kommýnıkasııalar qyzmetinde ótken baspasóz máslıhatynda Qarjy mınıstrligi Salyq komıtetiniń tóraǵasy Ánýar Jumadildaev bolashaqta da salyq komıtetiniń qarjy polısııasy organdarymen ózara is-qımyl formaty keńeıtile túspek dep atap ótti. Bul jumystyń barlyǵy memleket múddesin qoldaý jolyndaǵy atqarylyp jatqan jumystar ekenin eske salamyn, dedi bas salyqshy.
Onyń aıtýynsha, «2013 jyldyń birinshi jartyjyldyǵynda jalpy somasy 125,1 mlrd. teńge kóleminde 316 salyq tóleýshige qatysty salyqtyq tekserýlerdiń nátıjeleri boıynsha materıaldar berilgen. Onyń ishinde 104 salyq tóleýshige qatysty qylmystyq is qozǵalyp, 22,6 mlrd. teńge óndirilip alynǵan».
Bıýdjetke keltirilgen zalal kórsetkishi 2012 jyldaǵy kórsetkishterden áldeqaıda joǵary bolyp otyr eken. Máselen, 2012 jyly jalpy somasy 129,7 mlrd. teńgege salyqtyq tekserý nátıjeleri boıynsha qylmystyq belgileri bar 639 materıal berilipti. Onyń ishinde 139 zańdy tulǵaǵa qatysty qylmystyq is qozǵalyp, 9,3 mlrd. teńge óndirilip alynǵan.
«Egemen-aqparat».
