Taǵaıyndaý • 30 Sáýir, 2020

Serik Sydyqov Ortalyq saılaý komıssııasynyń múshesi bolyp taǵaıyndaldy

86 retkórsetildi

Parlament Senatynyń jalpy otyrysynda Ortalyq saılaý komıssııasynyń múshesi qyzmetine Serik Sydyqov bekitildi. Onyń kandıdatýrasyn palatanyń jalpy otyrysynda Parlament Senatynyń tóraǵasy Darıǵa Nazarbaeva usyndy.

«Maǵan berilgen quqyqty paıdalana otyryp, Ortalyq saılaý komıssııasy múshesi qyzmetine Serik Sydyqovtyń kandıdatýrasyn usynamyn. Serik Slamjanulyn jaqsy bilesizder, ol bilikti zańger. Senat apparatynda 25 jyldan astam ýaqyt jaýapty qyzmetterdi abyroımen atqardy. Parlamenttegi mol tájirıbesi Ortalyq saılaý komıssııasy múshesi qyzmetinde paıdaly bolady dep senemin», - dedi Parlament Senatynyń tóraǵasy Darıǵa Nazarbaeva.

Depýtattar Serik Sydyqovtyń kandıdatýrasyn biraýyzdan qoldap, daýys berdi.

Serik Sydyqov 1962 jyly týǵan, joǵary zań bilimi bar. О́ziniń eńbek jolyn 1 985 jyly Almaty qalasynda «Kazgıdrorybproekt» ınstıtýty kadr bóliminiń aǵa ınspektory retinde bastaǵan.

1986 jyldan bastap Qazaq KSR Memlekettik eńbek komıteti Is basqarmasynyń aǵa ekonomısi, azamattyq qorǵanys jáne arnaıy jumys jónindegi ınspektory, kadr sektorynyń birinshi sanattaǵy mamany, birinshi sanattaǵy ekonomısi (zańger).

1991 jyldan bastap Eńbek mınıstrligi Eńbekti quqyqtyq retteý bóliminiń bas zańger-konsýltanty, Memlekettik jumyspen qamtý ınspeksııasynyń bastyǵy – Jumyspen qamtý bas basqarmasy bastyǵynyń orynbasary, Eńbekti quqyqtyq retteý bóliminiń bas mamany.

1994 jyldan bastap «Turan-Agro» fırmasy zań bóliminiń meńgerýshisi bolyp jumys istedi.

1995 jyldan bastap Qazaqstan Respýblıkasy Prezıdentiniń Joǵarǵy Keńestegi ókildiginiń aǵa sarapshysy.

1996 jyldan bastap Parlament Senaty apparaty Saraptama bóliminiń konsýltanty, sektor meńgerýshisi, bólim meńgerýshisiniń orynbasary, Ákimshilik bóliminiń meńgerýshisi.

2007 jyldan bastap Parlament Senaty apparaty basshysynyń orynbasary, birinshi orynbasary.

2016 jyldan bastap Parlament Senaty apparatynyń basshysy.

2020 jyldan bastap Parlament Senaty tóraǵasynyń keńesshisi qyzmetin atqardy.

 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar