Álem • 30 Sáýir, 2020

On adamdy órtten qutqarǵan Álıge Ońtústik Koreıa qyzmet usyndy

167 retkórsetildi

Ońtústik Koreıada on shaqty adamdy órtten qutqarǵan qazaqstandyq azamatqa sol elde órt sóndirýshiniń qyzmeti usynyldy. Degenmen, Álı bul usynysty qabyl almady. Qabyldaǵan jaǵdaıda  ol Qazaqstan azamattyǵynan bas tartýy tıis. Bul týraly Álı 29 sáýirde Kanvondo eldi mekenindegi Iаnıan merııasynda bolǵan marapattaý kezinde málimdedi dep habarlaıdy «Habar24».

Koreıa bıligi qazaqstandyqtyń órtten keıin tıisti em alýy úshin vıza bergen. Bul Álıge Ońtústik Koreıada taǵy jarty jyl turýǵa múmkindik beredi. Al osy ýaqyt aralyǵynda qazaqstandyqtyń Koreıada turýǵa ruqsat berý máselesi qarastyrylmaq.

Sonymen qatar, Koreıanyń iri kompanııalarynyń biri Álıdiń Qazaqstandaǵy otbasyn karantın aıaqtalyp, shekara ashylǵan soń alyp kelýge ýáde bergen.

Keıin Álıge arnaıy vıza berilip, «LG Welfare Foundation» qory ózgelerdi qutqarǵan jandarǵa beriletin arnaıy  «LG Personnel Award» júldesin tabystady.

Aıta ketý kerek, Ońtústik Koreıa turǵyndary Qazaqstan azamatyn memlekettik marapatqa usynǵan bolatyn.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar