Aımaqtar • 30 Sáýir, 2020

Jýaly aýdanynyń tabıǵaty tosyn minez tanytty

1275 retkórsetildi

Kúni keshe ǵana Jambyl oblysy, Jýaly aýdanynyń aýmaǵynda qatty jaýyn-shashyn bolyp, tosyn jaǵdaı oryn alǵan bolatyn. «Kazgıdromet» ortalyǵynyń málimeti boıynsha, aýdanda jaýyn-shashyn kólemi 8 mılımetr, al jaýǵan burshaqtyń kólemi 17 mılımetr bolǵan.

Jýaly negizinen óńirdegi tabıǵaty eń kúrdeli aýdan. Bıylǵy kóktemde de tabıǵat tosyn minezin tanytty. Aýdandyq tótenshe jaǵdaılar bólimine aǵymdaǵy jylǵy 29 sáýir kúni keshki saǵat 21:17-de aýdannyń Shaqpaq ata aýyly, Orazbaev kóshesindegi №97 úıdiń aýlasyn sý basyp jatqany týraly turǵyn E.Sazynbekovten aqparat túsedi. Shuǵyl atalǵan oqıǵa ornyna oblystyq tótenshe jaǵdaılar departamentiniń basshysy B.Danılov, atalǵan departament basshysynyń orynbasary M.Qosybaev, aýdan ákimi N.Ergebekov, ákimniń orynbasary A.Jabaǵy, aýdandyq tótenshe jaǵdaılar bóliminiń basshysy E.Ámirov, aýdandyq №7 órt sóndirý bóliminiń basshysy K.Abdraımov jáne aýdandyq bólim qyzmetkerlerimen birge baryp, tıisti sharalardy qabyldaǵan. Aýdan ákimdiginiń málimetinshe, tekserý jumystaryn júrgizý kezinde Shaqpaq ata aýyldyq okrýgindegi Alataý taý bókterinde jaýynnyń mólsherden kóp túsýi saldarynan sýdyń T.Dúısebaıuly aýylynyń shetindegi egis alqaptaryn shaıyp, S.Narbaıuly kóshesiniń boıyndaǵy 4 úıdiń aýlasyna kirgendigi anyqtalǵan. Tilsiz jaýdy aýyzdyqtaý úshin aýdan ákimdiginen 2 adam, Shaqpaq ata aýyldyq okrýginiń ákimdiginen 6 adam jáne aýdandyq tótenshe jaǵdaılar bóliminiń basshylary men qyzmetkerleri tartylyp, birlese jumys atqarǵan. Belgili bolǵanyndaı, Shaqpaq ata aýyly, Orazbaev kóshesi №97 úıdiń aýlasyna sý jınalǵan. Atalǵan aýyldyq okrýgtiń ákimdiginen erikti 5 adam atalǵan úıdiń aýlasyn tazartý jumystaryn atqardy.

Sonymen qatar, aýdan ortalyǵy B.Momyshuly aýylyndaǵy Rysbek batyr kóshesiniń boıyndaǵy 1 úıdiń aýlasyna sý kirgen. Bul máselege de aýdan ákimdiginen 2 adam, aýdandyq tótenshe jaǵdaılar bóliminiń basshysy E.Ámirov, aýdandyq №7 órt sóndirý bóliminiń basshysy K.Abdraımov jáne B.Momyshuly aýylynyń ákimshiliginen 7 adam jumys atqarǵan. Sol sııaqty, jınalǵan jaýyn-shashyn sýlary B.Momyshuly aýyly Rysbek batyr kóshesi boıyndaǵy temirjol astyndaǵy sý ótkizý orny arqyly jol boıymen ótken. Munda da atalǵan aýyl ákimshiliginen 7 adam jumys atqarǵan. Sondaı-aq, Qarasaz aýyldyq okrýgine qarasty Aqbastaý aýylyndaǵy Bereke kóshesiniń boıymen úıdiń aýlalaryna sý kirgen. Munda da aýdan ákimdiginen, aýdandyq tótenshe jaǵdaılar bóliminen, atalǵan aýyldyq okrýg ákimshiliginen 20-ǵa jýyq adam kúshi jáne qosymsha turǵyndardyń kúshi tartylyp, sýdy aýyl shetindegi saıǵa buryp jibergen. Nátıjesinde aýdan ákimdigi búginde turǵyndarǵa eshqandaı da qaýiptiń joq ekenin habarlady. Tótenshe jaǵdaı kezinde aýdandyq tótenshe jaǵdaılar bóliminen 4 qyzmetker, 1 avtokólik, aýdandyq órt sóndirý bóliminen 1 kómekshi, 4 qyzmetker, ÝAZ avtokóligi, al aýdan ákimdiginen 40 adam, 4 avtokólik kúshi jumyldyrylǵan.

Búginde aýdandaǵy «Teris-Ashybulaq» sý qoımasynyń jobalyq kólemi 158,0 mıllıon tekshemetr, al bógettiń tehnıkalyq jaǵdaıy boıynsha ruqsat etiletin kólemi 145,0 tekshemetr. Alaıda, aýdandyq ákimdiktiń habarlaýynsha, sý tasqynynan eshqandaı qaýip joq.

 

Jambyl oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar