Qazirgi tańǵa deıin sektor aýmaǵynda 6260 dana aǵash kóshetteri otyrǵyzyldy. Egilgen tal-daraqtar tolyǵymen «Jasyl Túrkistan» KMM-niń qaraýyna ótkizilgen. Sondaı-aq, jaryqshamdar, qoqys jáshikteri, oryndyqtar men aıaldamalardy ornatý jumystary bekitilgen is-shara josparyna sáıkes júrgizilýde. Qazirgi tańda 120 turǵyn úı, 3 kásipkerlik nysannyń qasbetteri retke keltirilgen. Qalany kógaldandyrýǵa Keles aýdanynan 15 adam, jergilikti turǵyndardan 5 adam turaqty jumysqa tartyldy. Tazalyq jumystaryna 3 tehnıka jumyldyrylǵan.
Qalany kógaldandyrý jáne abattandyrý, sanıtarlyq jaǵdaıyn jaqsartý baǵytynda atqarylǵan jumystardyń barysyn teksergen oblys ákimi О́mirzaq Shókeev jaýapty basshylarǵa jasyl gazondardyń kópjyldyq túrin tóseýdi tapsyrdy. Sondaı-aq, qalanyń kórnekti jerlerindegi ǵımarattardyń syrtqy kórinisi, shahardyń biryńǵaı kelbetin saqtaý kerektigin eskertti.
