Elbasy • 30 Sáýir, 2020

Elbasy 1 mamyr – Qazaqstan halqynyń birligi kúnimen quttyqtady

1133 retkórsetildi

Bul týraly Elbasynyń baspasóz qyzmeti habarlady.

Qurmetti otandastar!

Barshańyzdy Qazaqstan halqynyń birligi kúnimen shyn júrekten quttyqtaımyn!

Bul meıram ulttyq bolmysymyzdy aıqyndaıtyn asyl qasıetterimiz – dostyqty, senimdi jáne patrıotızmdi dáripteıdi.

Men shırek ǵasyr buryn osy merekeni belgileý týraly sheshim qabyldaǵan edim. О́tken jyldar ishinde biz elimizdiń kópultty jáne kópkonfessııaly qurylymyn strategııalyq artyqshylyǵymyzǵa aınaldyra aldyq.

Qazaqstan bereke-birliktiń arqasynda túrli qıyndyqty eńserip, búkil álemniń qurmetine bólendi jáne memleket qurý isinde zor jetistikke jetti.

Beıbitshilik pen qoǵamdyq kelisim árdaıym eldigimizdi bekemdeıtin qasterli qundylyǵymyz bolyp qala beredi.

Biz bıyl Qazaqstan halqy assambleıasynyń 25 jyldyǵyn atap ótemiz. Bul – barlyq etnos ókilderin memleket qurýshy ulttyń tóńiregine toptastyratyn jáne táýelsizdigimizdi nyǵaıtýǵa yqpal etetin biregeı ınstıtýt.

Halqymyzdyń yrys-yntymaǵy tarıh pen taǵdyr syıy ǵana emes, árqaısymyzdyń eren eńbegimiz ben zor jaýapkershiligimizdiń nátıjesi.

Birlik kúni bıyl ádetten tys jaǵdaıǵa tuspa-tus kelip otyr. Búkil álemdi jaılaǵan indet bizdiń elimizdi de ábigerge saldy.

Bul synaqtan da súrinbeı ótip, kúsh-qýatymyzdy odan ári arttyra túsemiz dep senemin. Osy jolda dostyq, birlik, kelisim jáne ózara qoldaý qaǵıdattaryn berik ustanǵanymyz abzal.

Barshańyzǵa myqty densaýlyq pen baq-bereke, elimizge tatýlyq pen tolaǵaı tabys tileımin!

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar