Aımaqtar • 30 Sáýir, 2020

Onlaında shyńdalǵan jýrnalıstik sheberlik

203 retkórsetildi

Bıyl Eýrazııa Ulttyq ýnıversıtetiniń jýrnalıstıka jáne saıasattaný fakýltetine 10 jyl tolady. 2010 jyly shymyldyǵyn ashqan bul fakýltettiń oqý úrdisinde jýrnalıstıka jáne saıasattaný ǵylymdarynyń baı dástúri óte jaqsy saqtalǵan. Onymen qosa myqty professorlyq quram qalyptasyp, zaman talabyna saı ozyq tehnologııa, tele-radıostýdııalar men sońǵy úlgidegi oqý-ádistemelik keshender keńinen paıdalanylyp keledi. Tipti, qazirgi tótenshe jaǵdaı kezinde de óz stýdentteriniń kedergisiz bilim alýy úshin barlyq jaǵdaı jasalǵan.

Iá, Eýrazııa ýnıversıtetindegi jýrnalıstıka jáne saıasattaný fakýltetiniń 10 jyldyǵyn atap ótý koronavırýstyq pandemııadan týyndaǵan el ishindegi tótenshe jaǵdaımen tuspa-tus keldi. Barlyq merekelik sharalarǵa tyıym salynyp, kezdesýler men túrli jıyndar onlaın formatqa aýysty. Biraq pandemııa dep shektelip qalmaı fakýltet ujymy osy mereıli dataǵa oraı stýdentter úshin qashyqtan bolsa da óte paıdaly is-shara uıymdastyrdy. Dálirek aıtsaq, teleradıo jáne qoǵammen baılanys kafedrasynyń meńgerýshisi Dúısenǵazy Serikzat Maqsutulynyń bastaýymen jáne professor Esenbekova Ulbosyn Meıirbekqyzy men basqa da oqytýshylardyń uıymdastyrýymen bolashaq jýrnalıster onlaın rejımde naǵyz praktık mamandardyń dárisin tyńdady. Alaıda bul tek fakýltet tarapynan qolǵa alynǵan bastama emes. Sebebi mundaı ıgi istiń júzege asýyna elimizdegi beldi arnalardyń basyn qosqan «Habar» agenttiginiń de úlesi bar. Olaı deıtinimiz, birinshiden, atalǵan ujym da bolashaq jýrnalısterdi tárbıeleý jumysyna qatysýdy paryz dep sanasa, ekinshiden, «Habar» agenttigine bıyl 25 jyl tolyp otyr. Osyndaı sebepterge baılanysty ulttyq ýnıversıtetimizdiń jýrnalıstıka jáne saıasattaný fakýlteti men elimizdegi kóptiń kóńilinen shyǵyp júrgen tanymal teleagenttiktiń ókilderi birlese otyryp, stýdentter men magıstranttardyń sheberligin onlaın rejımde shyńdaýdy jón kórdi. yy

Qashyqtan ótken jıynda fakýltetimizdiń 700 stýdenti men bilikti oqytýshylar jáne tájirıbeli jýrnalıster bas qosty.  10 kúnde 10 maman túrli taqyrypta dáris oqydy. Olar: «El arna» telearnasynyń dırektory, tanymal telejýrnalıst jáne telejúrgizýshi – Seıtmamyt Arman Baltabaıuly, «Habar» arnasynyń bas rejısseri – Hodjımetov Zohıdjon, «Habar» arnasyndaǵy sporttyq translıasııa jáne baǵdarlamalar bóliminiń jetekshisi, tanymal sport kommentatory – Ashat Jaqaev,  «Habar» arnasyndaǵy sporttyq translıasııa jáne baǵdarlamalar bóliminiń prodıýseri, tanymal sport kommentatory – Ermuhamed Máýlenov, «Habar» arnasyndaǵy jýrnalıstik zertteý bóliminiń jetekshisi, tanymal telejýrnalıst – Adılova Aıgúl, «Habar» arnasyndaǵy jańalyqtar bóliminiń shyǵarýshy redaktory – Qýandyq Ońaltaı, «Habar» arnasyndaǵy sporttyq translıasııa jáne baǵdarlamalar bóliminiń redaktory – Qabylsha Aıbek,  «Kazakh TV» telearnasynyń dırektory, tanymal telejýrnalıst, prodıýser – Maııa Bekbaeva sekildi Qazaqstan telejýrnalıstıkasynyń aldyńǵy qatarly mamandary boldy. Barlyǵy óz qyzmetteriniń qyr-syry jáne jumys barysymen barynsha tolyq tanystyrýǵa tyrysty.

Onlaın sheberlik synybynyń alǵashqy dárisinde jýrnalıstıka jáne saıasattaný fakýltetiniń dekany Saq Qaırat О́mirbaıuly da alǵy sóz retinde stýdentter men qatysýshy spıkerlerge lebiz, tilekterin bildirdi. О́z sózinde ýnıversıtet qabyrǵasynda myqty mamandardy daıarlaýdyń mańyzy men teorııalyq jáne praktıkalyq sabaqtardy ushtastyrýdyń paıdalylyǵyn atap ótti. Sol arqyly osy bastamanyń shákirtter úshin kómegi zor bolatynyna senim bildirdi.bb

Qashyqtan ótken shara shymyldyǵyn «Habar agenttigi tóraǵasynyń orynbasary Kertaev Rınat Dýmanuly men «El arna» telearnasynyń dırektory Arman Baltabaıuly ashyp berdi. Rınat Dýmanuly óz sózinde: «Qazirgi stýdentter – bolashaq mamandar, bizdiń áriptesterimiz. Olardyń sapaly bolýy óte mańyzdy. Sebebi keıin osy shákirtter bizdiń qol astymyzda jumys istep, bizdiń arnanyń bedelin kóterýde óz úlesin qosýy ábden múmkin. Sondyqtan olardyń shyńdalýyna biz de óz paıdamyzdy tıgizýdi borysh sanaımyz» - dep atap ótti.mmm

Odan bólek, stýdenter qoıǵan árbir saýalǵa tushymdy jaýap qaıtarýǵa tyrysty. Al «El arna» telearnasynyń basshysy bolashaq jýrnalıstiń boıynda qandaı qasıetter bolý kerektigin aıtyp, kemshilikterge boı aldyrmaýdyń joldary jáne sapaly materıal jazýdyń syrymen bólisti. Mundaı keńesterdi praktık mamandardyń aýzynan estý stýdentterdi jýrnalıstıkanyń ashanasyna bir taban jaqyndatqandaı boldy.

4245

Sóıtip bolashaq jýrnalısterge sheberlik saǵatyn syılaǵan onlaın dekada óz máresine jetti. Erteń olar da qyzmet barysyndaǵy alǵashqy tapsyrmalaryn oryndaǵanda osy aqyl-keńesterdi eskere otyryp, áreket etetinderi anyq.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar