Qoǵam • 30 Sáýir, 2020

«Biz birgemiz» aksııasy aıasynda ıgi ister jalǵasýda

50 retkórsetildi

Koronavırýstyń taralýymen baılanysty karantın jaǵdaıynda elimizdiń balalar úıleriniń kóptegen túlekteri jumyssyz qaldy. Mundaı balalardyń kópshiliginde baratyn jerleri de joq. Alaıda olar kómeksiz qalmady.

Kásipker, Balalar úıi túlekteri qaýymdastyǵynyń Qamqorshylyq keńesiniń múshesi, «Nur Otan» partııasynyń jáne Qazaqstan halqy Assambleıasynyń múshesi, Qazaqstan kúrdileriniń «Barbang» Qaýymdastyǵynyń vıse-prezıdenti, Abaı atyndaǵy QazUPÝ-dyń Tarıh jáne quqyq ınstıtýty saıasattaný jáne áleýmettik-fılosofııalyq pánder kafedrasynyń «6D050200-Saıasattaný» mamandyǵynyń PhD doktoranty Vakıl Nabıev balalar úıiniń burynǵy 20 túlegine azyq-túlik sebeti úlestirildi. Qaýymdastyq 100-den astam adamdy qamtyp otyr, balalar úıiniń barlyq muqtaj túlekterine belsendi kómek kórsetý jalǵasýda.

«Bul qıyn-qystaý kezeńde el úshin jeke jaýapkershilikpen qatar áleýmettik yntymaqtastyq mańyzdy», - dedi Vakıl Nabıev.

Tótenshe jaǵdaı kezinde «Biz birgemiz!» respýblıkalyq aksııasy aıasynda Almaty oblysy men Almatyda kómek retinde 500-den astam azyq-túlik jıyntyǵy jasaqtalyp, áleýmettik jaǵynan osal sanattaǵy muqtaj adamdarǵa taratyldy. Bul-jalǵyz basty qart adamdar, az qamtylǵan kóp balaly otbasylar, erekshe qajettilikteri bar adamdar. Eriktilerdiń qurylǵan mobıldi toptary qaıyrymdylyq kómektiń taratylýyn qamtamasyz etti. Is-shara Qazaqstan halqy Assambleıasy men «Barbang» kúrdter qaýymdastyǵynyń qoldaýymen ótip jatyr. Bul naýqan tótenshe jaǵdaı kezinde de jalǵasady.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar