Qazaqstanda COVID-19 pandemııasyna baılanysty engizilgen karantın rejımine oraı kópshilik is-sharalar toqtatyldy. Kóktemgi merekeler onlaın rejımde jáne otbasy sheńberinde atap ótiledi. Soǵan qaramastan baǵdarlamalar qyzyqqa toly, erekshe bolady dep kútilýde.
Nur-Sultanda Qazaqstan halqynyń birligi kúni qarsańynda áleýmettik jelilerde Abaıdyń «Kózimniń qarasy» ánin ulttyq mýzykalyq ınstrýmentte oryndaý jáne ár etnostyń ulttyq taǵamyn ázirleý boıynsha aksııa bastaldy.
Qazaqstan halqynyń birligi kúnine oraı Q.Qýanyshbaev atyndaǵy Memlekettik akademııalyq qazaq mýzyka teatry «Poezııa» saǵatyn usynady. Onda ártister kórnekti aqyndardyń el birligine arnaǵan óleńderin oqıdy – @kazteatr (Facebook).
Qýyrshaq teatry Qazaqstan halqynyń birligi kúnine oraı tikeleı efırde saǵat 15:00-de «Biz – bir elmiz!» atty onlaın konsertin, saǵat 21:00-de «Halyqaralyq qýyrshaq teatrlarynyń Qýyrshaqtary merekemen quttyqtaıdy» atty vıdeo konsertin usynady. Efırdi Instagram paraqshasynda – @teatrkukolnursultan, sondaı-aq Teatr Kukol Nur-Sultan YouTube arnasynan kórýge bolady.
Memlekettik akademııalyq fılarmonııanyń sımfonııalyq orkestri jelidegi paraqshalarynda konsert beredi. Ol Instagram-daǵy astana_filarmoniya paraqshasynda , Facebook-tegi astana.filarmoniya paraqshasynda, sondaı-aq YouTube-ta «Nur-Sultan fılarmonııasy» arnasynda kórsetiledi.
Astana sırkiniń trýppasy, ekvılıbrıstter, áýe gımnasttary, jonglerler 12:00-de Instagram-da astanalyqtsirk, Facebook-te @circusastana jáne «Astanalyq sırk» YouTube arnasynda kórsetilim jasaıdy.
M.Gorkıı atyndaǵy Memlekettik akademııalyq orys drama teatry saǵat 17:00-de «Krylataıa ıspoved voolnyh serdes» mýzykalyq-poetıkalyq kompozısııasyn usynady. «Jastar» teatry saǵat 21:00-de Instagram-da @zhastar_teatry, Facebook-te Zhastar Theatry paraqshasynda onlaın-konsert beredi. Nomad teatry Insta_teatr jobasy aıasynda Shakenzo Show atty tórt saǵattyq baǵdarlamasyn usynady. Efır 11:00-13:00 jáne 18:00-20:00 aralyǵynda Instagram-da @nomad_teatry paraqshasynda ótedi.
