Aımaqtar • 30 Sáýir, 2020

Túrkistan: Shardara aýdanynda 18000 gektarǵa maqta egiledi

7 retkórsetildi

Túrkistan oblysy Shardara aýdanynda 59 myń 300 gektar sýarmaly jer ıgerilýde. Kóktemgi dala jumystary qarqyn alýda. Kúzdik bıdaı, arpa, kúrish, dándik júgeri, mash, kúnbaǵys pen kartop, kókónis egý qolǵa alynǵan aýdanda maqta negizgi daqyl bolyp sanalady. Iаǵnı 18000 gektarǵa maqta egý josparlanǵan.

Degenmen «aq altynnyń» kólemi byltyrǵy jylmen salystyrǵanda 5704 gektarǵa qysqaryp, onyń ornyna dándik daqyl jáne mal azyǵy sanalatyn egistik túrleri egilmek. Qazirgi tańda aýdanda 45531 gektar jer tolyǵymen aıdalyp bitken. Búginge deıin sharýalarǵa 2500 tonna selıtra, 650 tonna ammofos, 450 tonna sýlfat ammonıı, 110 tonna karbamıd taratylyp berilgen.

Sondaı-aq, «Nımeks», «Myrzakent» JShS-y sharýalarǵa mıneraldy tyńaıtqyshtar tasymaldaýdy fıýchers arqyly taratýdy qolǵa aldy. Budan bólek, tehnıkalarǵa qajetti dızel otynyn jetkizý jumysy tolyqqandy uıymdastyrylyp, jeńildetilgen baǵada 3120 tonna janar-jaǵarmaı bólinip otyr. Aýdanda sýarmaly jerlerdi ylǵaldandyrý jumystaryn júrgizý úshin aýyl okrýgterinde ornalasqan agroqurylymdar tarapynan «Qazsýshar» RMK oblystyq fılalymen aǵyn sý alýǵa kelisim sharttar jasalynǵan. Qazirgi kezde suranysqa sáıkes Qyzylqum magıstraldy kanaly arqyly 10 m3/sek aǵyn sý bosatylyp,  28559 gektar jer ylǵaldandyrylǵan.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar