Ekonomıka • 30 Sáýir, 2020

Bıyl Qazaqstanda 100 myń avtokólik shyǵarý josparlanyp otyr

7 retkórsetildi

2019 jyly Qazaqstanda avtomobıl ónerkásibinde 359,5 mlrd teńgege 50447 dana kólik quraly shyǵarylyp, naqty kólem ındeksi 162,5% qurady, dep habarlady IIDM baspasóz qyzmeti.

Barlyq jańa tehnıkanyń jartysy eń iri avtokóndirýshi «SaryarqaAvtoProm» kásipornynda shyǵaryldy. О́tken jyly Qostanaı zaýyty óndiristi eki esege arttyryp, 25 802 dana jeńil, júk kóligi men avtobýstar shyǵardy. Al bıyl óndiris kólemin 51400 birlikke deıin jetkizýdi josparlap otyr. О́nimdilik ólshemi boıynsha qazaqstandyq «AZIIа AVTO» avtoqurastyrý zaýyty da kóshbasshyǵa aınaldy. О́tken jyl qorytyndysy boıynsha zaýytta 20 myń arnaýly tehnıka shyǵaryldy. Bıylǵy jospar boıynsha kásiporynda 44 myń tehnıka shyǵarylýy tıis.

Aýyl sharýashylyǵy mashınalaryn jasaý sektorynda 2018 jyldan bastap óndiris ósimi baıqalady. Oǵan ónimdi ótkizý kezinde qosymsha qun salyǵyn tóleýden bosatý sııaqty memlekettik qoldaý sharalary yqpal etti. О́tken jyly 41,2 mlrd teńgege aýyl sharýashylyǵy mashınalary jasalyp, ósim 144% qurady. Otandyq óndiris tehnıkasy egin jınaý naýqany barysynda joǵary suranysqa ıe bolyp otyr. Onyń ónimdiligi, toraptary men agregattarynyń sapasyna mehanızatorlardyń aıtatyn shaǵymy joq. Mysaly, 2019 jyly aýyl sharýashylyǵy mashınalaryn jasaý salasynda 1200-den asa traktor shyǵaryldy. Mysaly, Qostanaıdaǵy aýylsharýashylyq tehnıkasyn óndirýshi «Agromashholdıng KZ» 130-dan astam Lovol traktoryn jáne 355 «Essil» kombaınyn shyǵardy. 2020 jyldyń I toqsanynda kásiporyn 62 traktor jáne 20 kombaın óndirdi.

Sondaı-aq qazirgi ýaqytta temirjol mashına jasaý klasteri belsendi damyp keledi. Zaýyttarda shyǵarylatyn ónim jelisin jańǵyrtý jáne keńeıtý jumystary júrgizilýde. Onyń ishinde «Tulpar-Talgo» JShS zaýytynda byltyr 91 jolaýshy vagony óndirildi. «Lokomotıv qurastyrý zaýyty» AQ TE33A serııaly 11 magıstraldyq teplovoz shyǵardy.

Jalpy bıyl avtoónerkásibi óniminiń jalpy kólemin 100 myń  tehnıkaǵa deıin jetkizý josparlanyp otyr. Onyń 10-15 myńy — Reseı, Qyrǵyzstan, О́zbekstan, Tájikstan, Belarýs, Ázerbaıjan jáne basqa elderge eksporttalmaq. Búginde avtomobıl salasyn damytý múmkindikteri óte mol. 2019 jyly maýsym aıynda mashına jasaýdy damytý jónindegi 2019-2024 jyldarǵa arnalǵan Jol kartasy bekitildi. Ol mashına jasaýdyń barlyq kishi salalaryn jáne qoldaý sharalary jónindegi is-sharalar keshenin qamtıdy. Bul salyqtyq preferensııalar, qarjylyq jáne shıkizattyq qoldaý, bilikti kadrlarmen qamtamasyz etý jáne taǵy basqalar.

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar