Qoǵam • 30 Sáýir, 2020

Birqatar aımaqta HQO jumysy qaıta jandanady

26 retkórsetildi

Aldaǵy 4 mamyrdan bastap Nur-Sultan qalasy men Batys Qazaqstan, Qaraǵandy ​​jáne Mańǵystaý oblystary ákimdiginiń janyndaǵy tótenshe jaǵdaı tártibin qamtamasyz etý jónindegi shtabtarynyń sheshimimen osy aımaqtarda HQO-lar qaıtadan jumys isteı bastaıdy.

Alaıda, vırýstyń taralý qaýpi men qazaqstandyqtardyń ómiri men densaýlyǵyna alańdaýshylyqtyń saqtalýyna baılanysty halyqqa qyzmet kórsetý ortalyqtarynyń jumys tártibin ózgertý týraly sheshim qabyldandy.

О́zgerister HQO-da kórsetiletin memlekettik qyzmet túrlerin, olardy usyný formatyn da qamtıdy.

– Endi qazaqstandyqtar HQO-da elektrondy formatta qoljetimsiz, tek «qaǵaz» júzinde kórsetiletin qyzmetter men egov.kz arqyly rásimdelgen ótinishterdiń nátıjesin ala alady.

– HQO-ǵa barý úshin 1414 baılanys ortalyǵy nemese  nemese egov.kz saıtyndaǵy arnaıy servıs arqyly kezek ýaqytyn aldyna ala brondaý qajet bolady.

Bul halyqtyń HQO-da kóptep jınalýyn boldyrmaıdy jáne vırýsty juqtyrý qaýpin joıady, osy rette qyzmet alýshylar da óz ýaqytyn únemdeıdi. Aldyn ala brondaýsyz esh qyzmet kórsetilmeıdi.

Azamattar elektrondy formatqa aýdarylǵan jáne egov.kz portalynda qoljetimdi barlyq memlekettik qyzmettiń 80%-dan astamyn tek ózdiginen nemese burynǵydaı HQO ǵımarattarynda emes, ákimdikter janyndaǵy keńselerde, oqý oryndarynda, medısınalyq uıymdarda jáne t.b. jerde ornalastyrylatyn ózine-ózi qyzmet kórsetý sektorlarynda ala alady.

Onlaın qyzmetterdi jyldam ári yńǵaıly alý úshin azamattar 1414 nómirine habarlasa alady, onda HQO operatorlary keńes beretin bolady.

Aıta ketý kerek, karantın jarııalanǵaly beri qazaqstandyqtar egov.kz elektrondy úkimet portaly, telegramdaǵy eGovKzBot2.0 boty jáne eGovMobile mobıldik qosymshasy arqyly óz betinshe onlaın túrde 10.5 mıllıonnan astam memlekettik qyzmetti alǵan.

Degenmen, 3 sanattaǵy azamattar, ıaǵnı zeınetkerler, kóp balaly otbasylar jáne múgedekter elektrondyq qyzmetterdi HQO-dan ala alady. Ár front-ofıste olar úshin jeńildik terezesi jumys isteıdi. Sondaı-aq olar da HQO-ǵa baratyn ýaqytyn aldyn ala brondaýy kerek.

«Azamattarǵa arnalǵan úkimet» memlekettik korporasııasynyń basqarma tóraıymy Ásemgúl Baltashevanyń aıtýynsha, koronavırýs pandemııasy kóptegen proseste, onyń ishinde memlekettik qyzmet kórsetý isinde de ózgeristerdiń qajet ekenin kórsetti.

«Jańa erejelerdiń paıda bolýy zańdy. Bir-birimizdi qorǵaý úshin biz HQO jumys formatyn ózgertýge májbúrmiz. Bizdiń eki myńnan astam qyzmetkerimiz sizge 1414 baılanys ortalyǵy jáne vırtýaldy assıstenttiń beıneqońyraýy arqyly azamattarǵa elektrondyq qyzmetterdi qashyqtan alýǵa kómektesedi», – dep qorytyndylady Baltasheva.

Ol sondaı-aq, atalǵan ózgeristerdiń Nur-Sultan, Almaty, Shymkent qalalary men oblys ortalyqtaryndaǵy HQO jumysyn qamtıtynyn atap ótti. Al aýdan ortalyqtary men aýyldy jerlerdegi HQO jumysy esh ózgeriske ushyramaıdy.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar