Esterińizge salaıyq, 26 naýryzdan bastap barlyq halyqqa qyzmet kórsetý ortalyqtarynyń jumysy toqtatylǵan bolatyn. Tótenshe jaǵdaı kezeńinde HQO jáne mamandandyrylǵan HQO elektrondyq úkimet portaly - egov.kz arqyly resimdelgen daıyn qujattardy berýge ǵana jumys isteıdi.
Biryńǵaı terezede berilgen qujattardyń deni – AHAT qujattary, júrgizýshi kýálikteri, kóliktiń tehnıkalyq pasporty men tirkeý nómirleri, jyljymaıtyn múlik pen jer ýchaskeleriniń qujattary, sondaı-aq jeke kýálik pen pasport.
Daıyn qujattardy berý terezeleriniń jumys kestesi: dúısenbi-juma 9.00-den 17.00-ge deıin. Senbi – saǵat 9.00-14.00 aralyǵy. Shymkent qalasy boıynsha, Mádeli Qoja kóshesi 1G, mekenjaıynda ornalasqan №1 HQO-nan daıyn qujattardy alýǵa bolady. Al, avtokólik ıeleri daıyn qujat boıynsha Dostyq m.a. ornalasqan mamandandyrylǵan HQO-na júgine alady.
Eske sala keteıik, qazaqstandyqtar memlekettik qyzmetti elektrondyq formatta ala alady. Qazirgi ýaqytta memlekettik qyzmettiń 87% elektrondy úkimet portaly arqyly qoljetimdi, sondaı-aq, keıbir qyzmetter men servısterdi EgovMobile mobıldik qosymshasy, eGovKzBot2.0 telegramm-botynan jáne Facebook, Vk áleýmettik jelilerindegi egov chat-bottarynan alýǵa bolady.
Shymkent
