Aımaqtar • 30 Sáýir, 2020

​Tártiptiń arqasynda aımaq aqyryndap jandanýda

23 ret kórsetildi

Búgin Soltústik Qazaqstan oblysynyń ákimi Qumar Aqsaqalov óziniń áleýmettik jelidegi paraqshasynda oblysta karantındik rejimniń jumsartylýynyń ekinshi kezeńi 4 mamyrdan bastalatynyn aıtty. Dál osy sózderdi onyń orynbasary Rýslan Álishev te jarııalady.

Oblys ákimi 28 sáýirde bastalǵan alǵashqy jumsartylýda 45 myń adamnyń jumysqa shyqqanyn eske saldy. Sonymen birge saıajaıshylardyń da jer jumystaryna kirise bastaǵanyn aıtty. «Biz 4 mamyrdan bastap jumsartýdyń ekinshi kezeńine kóshemiz. Ashylýǵa múmkindik alatyn bıznes nysandarynyń tizimin ulǵaıtamyz. Turǵyndar kóptegen qyzmetterdi alýǵa múmkindik alady. Keminde 13 myńdaı adam ózderiniń jumys oryndaryna qaıta oralady», dedi ákim.

Sonymen qatar ol azyq-túlik satpaıtyn 500 sharshy metrlik aýmaǵy bar dúkender de esigin asha alatynyn jetkizdi. Gúl satatyn dúńgirshikter, aqparattyq-kommýnıkasııalyq tehnologııalar kompanııalary, jyljymaıtyn múlikter satýmen aınalysatyndar, jarnamalyq agenttikter, notarıýstar, mıkroqarjylyq uıymdar, saqtandyrý kompanııalary, lombardtar, aıyrbas pýnktteri jumys isteıtinin aıtty. Aldyn ala jazylý arqyly shashtarazdarǵa, medısınalyq ortalyqtarǵa, stomatologııalyq klınıkalarǵa da barýǵa bolady eken.  

Sonymen birge Qumar Irgebaıuly «Nur Sultan–Petropavl» avıa reısiniń ashylatynyn da jetkizdi. Tipti oblys turǵyndary kóshelerde jattyǵý jasaýǵa da qol jetkizedi eken. «Aımaǵymyz aqyryndap qalpyna orala bastady. Alaıda qaýipsizdik sharalaryn umytýǵa bolmaıdy. Aralaryńyzdy 2 metrden jaqyn ustamańyzdar. Betperdeni de sheshpeńizder. Tek qana temirdeı tártip bizdi karantın rejiminen qutqarady», dep jazdy ol.

Shynynda Soltústik Qazaqstan temirdeı tártiptiń arqasynda ǵana indetke shaldyqqandaryn emdep, jańadan syrqattanýǵa jol bermeı jatyr. Basqa aımaqtar osydan úlgi alsa qanekı... Osy isti jiti uıymdastyra bilgen oblys basshylyǵy ekeni daýsyz.

Soltústik Qazaqstan oblysy  

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar