Eń qadirli qundylyq

Búginde izgilik sharalarynyń uıyt­qy­sy bolyp júrgen elordalyq Qa­zaq­stan halqy Assambleıasy bar­lyq ózge qu­rylymdar sekildi onlaın rejimde eńbek etip jatyr. Ju­mys­­tyń negizgi ba­ǵyttaryna basa nazar aýdarylǵan. Onlaın túrde «Jyr orta­lyǵynyń» ashylýy jurtshylyq tara­pynan úlken qoldaý tapty. Ol apta saıyn jańa beı­nematerıalmen tolyq­tyrylyp oty­ra­dy. Jyraýlar tarıhı oqıǵalar men ańyzǵa aınalǵan batyrlar týraly áńgi­me­leı otyryp, jyr-termeden shashý sha­shady. Bizdiń moraldyq rýhymyzdy art­tyrady.

Qashanda qaıyrymdylyqtyń orny erekshe. Assambleıa – qoǵamymyzdyń biriktirýshi kúshi. QHA kez kelgen jaǵdaıda birinshi bolyp kómekke kele­di, árqashan aldyńǵy qatardan kórinedi. Buǵan keltiretin mysal kóp.

Tótenshe jaǵdaı rejimi engizilgen al­ǵashqy kúnnen bastap elordalyq Assam­bleıanyń belsendileri men erik­ti­­leri jumysqa qosyldy. Naýryz aıy­nyń sońǵy onkúndiginde Nur-Sultan qalalyq Qazaqstan halqy Assam­­bleıasy «Biz birgemiz» atty qaıy­rym­dylyq aksııasyn ótkizdi. 2020 jyldyń 20 naý­ryzy men 26 sáýiri aralyǵynda aksııa aıasynda qalalyq Assambleıa músheleri az qamtylǵan kóp balaly otbasylarǵa jáne egde jastaǵy adamdarǵa kómek kór­setti. «Parasat» qaıyrymdylyq qyz­metin úılestirý ortalyǵy kóp balaly 15 otbasyna kómek kórsetken bolatyn.

Prezıdent Qasym-Jomart Toqaev indetpen kúrestiń aldyńǵy shebindegi azamattardyń eńbegin erekshe atap kór­setýde. Qaýip-qaterge qaramaı muq­taj jandarǵa kómek qolyn sozǵan erik­ti­ler­ge de rızashylyq bildirdi. Memleket basshysynyń osylaısha rızashylyq bildirýi barlyq eriktilerge erekshe kóńil kúı syılady. Bizder, volonterler bir serpilip qaldyq.

2020 jyldyń 16 naýryzynan bas­tap osy kúnge deıin kúndiz-túni muq­taj jan­dar­ǵa kómek jetkizip kele­miz. Assam­bleıa volon­terleri, bizder zeınetker­lerge dári-dármek jetkizý, betperdeler tara­tý boıynsha aksııalarǵa qa­tysyp ja­tyr­myz. Biz tek qıyn qys­taý kezde ǵana emes, qýanyshty sátterde de birge bo­la­myz!

Biz árqashan elimizge qyzmet etýge saqadaı saımyz! Elorda volonterleri árqashan daıyn! Bul indetti birge jeńý­ge sóz beremiz! #bizbirgemiz.

Sózimniń sońynda Qazaqstan hal­qy­nyń birligi kúni barshamyzǵa qutty bol­syn degim keledi. Birlik pen ynty­maq­tyń qadirin umytpaı, alǵa basa bere­ıik, aǵaıyn!

Nargızam MAHMÝDI,

Nur-Sultan qalasy uıǵyr etnomádenı birlestiginiń múshesi