Qoǵam • 01 Mamyr, 2020

Alańda jattyqqan alyp

42 retkórsetildi

Street workout chempıony 25 jastaǵy Ildar Iаgıaev sport­qa kezdeısoq kelgen joq – balań qııalyndaǵy qaıratty azamat bolyp jetilsem degen oı-armany jigerin janı tústi. Osy senim-jiger sport jolynda kezdesken qıyndyqtardy jeńip otyrdy, ol jeńilister men sátsizdikterge muqalǵan joq. 10 jasynan bastap Aqtaý qalasynyń turǵyny atanǵan ol 16 jasqa tolysymen óz betinshe oıyn alańdarynda jattyǵýdy bastady.

– Jetekshi-jattyqtyrýshym bol­ǵan joq, meni alǵa qul­shyn­dyrǵan sportqa, ásirese osy sport túrine degen qyzy­ǵý­shy­lyǵym boldy. Onyń ús­ti­ne beltemirge tartylý ba­ryn­sha qoljetimdi edi, ár­bir úıdiń aýlasyndaǵy oıyn alań­da­rynan beltemirdi ta­bý­ǵa bo­la­dy. Men tynbaı jat­tyq­tym, únemi alǵa umtyla ber­dim, nátıjeli kórsetkishke qol jet­­kizýge tyrystym, – deıdi Ildar Seıitnazaruly.

Aýladaǵy alańda Ildar ár­bir kúni ózimen ózi qarsylas, ózi­­men ózi básekeles boldy degen sóz. Búgingi kórsetkishin er­teń basyp ozýǵa umtylý – jaq­­sy ádis jáne maqtanarlyq je­­tis­­tikterge jetkizdi. Búginde Ildar – Street workout boıyn­sha tartylýdan Qazaqstan Res­pýb­­lıkasynyń chempıony, SW bo­­ıynsha el chempıony (jańa re­kord), Street workout-tyń tórt tú­rinen Reseı Federasııasy chempıony, Qazaqstan Street Workout federasııasynyń mú­she­si.

2013 jyly Aktau Open Fest festıvalinde Ildar «Freestyle: kúrdeli elementter» atalymynda úshinshi oryn alǵan, «eki qolmen kóterilý» kúsh­te­me­li jattyǵýlary men beline 32 kılogramm qosymsha júk baı­lap tartylýdan chempıon boldy. Sol jyly Ildar Qazaq­stannyń alǵashqy chempıo­na­tyn­da street workout boıynsha el rekordyn ornatty. Ol «Bel­te­mirge beline qosymsha 32 kılogramm júk baılap tartylýdan» 15 ret tartylyp, jeńimpaz atandy. О́zi qyzyqqan atalǵan sport túrindegi jetistikteri jal­ǵasa berdi – 2014 jyldyń jel­toqsanynda Qazaqstan qu­ra­­masy quramynda street workout boıynsha álem chempıonatyna qatyssa, 2016 jyldyń qyr­kúıeginde Aktau Open Fest fes­tıvalinde beltemirge tarty­lý­da óziniń 2015 jylǵy rekordyn jańartty. Ol beline 32 kılogramm júk baılap 17 ret tartyldy. Araǵa eki jyl salyp, 2017 jyldyń tamyzyn­da ol el chempıonatynda street workout-tan jańa rektord or­nat­­ty.

Tynymsyz jattyǵýlar jolda qaldyrǵan joq, 2018 jyldyń kók­teminde Ildar strıtlıftıng boıynsha Reseıdiń ashyq kýbogynda tórt júldeli orynǵa ıe bolyp strıtlıftıngten ha­lyq­aralyq dárejedegi sport she­be­ri ataǵyn aldy. Sol jyly ol búkil Qazaqstan boıyn­sha ótken Challenge Street Workout-qa qatysyp, týǵan qa­la­syna sport alańyn jeńip aldy. 2018 jyldyń tamyzynda Ildar Iаgıaev Búkilálemdik strıt vor­kaýt jáne strıtlıf­tıng prezıdenti Denıs Mı­nın­niń basshylyǵymen ótken ha­lyqaralyq «Workout Fest-2018» sport festıvalinde strıt­lıf­tıng­ten tańǵalarlyq nátı­je kórsetip, ıaǵnı bel­te­mir­ge 90 kılogramm qosymsha salmaqpen tar­tylyp, qos­sy­ryqta 120 kg qo­symsha sal­maqpen keýdesin kó­terý ar­qy­ly eki dúrkin álem chem­pı­on­y boldy. Dodalarda top jaryp júrgen jalyndy jas jigittiń esimi sol jyly eli­­mizdiń «100 jańa esim» júı­­rikteri qatarynda atalyp, qýa­ny­shyn eseleı tústi. Je­ńim­paz bolǵandyǵyn elordadan arnaıy telefon arqyly habarlaǵanda tańdanysyn jasyra almaǵan. Bul jańalyq oǵan úlken áser berip, odan ári qanattandyra tús­­ken jáne toqtap qalmaı tek alǵa umtyla berý qajettigin uǵyn­­dyr­ǵan.

Arnaıy quraldarmen jab­dyq­talǵan sport keshenderinde jattyqpaı-aq, kóshe sportynan zor jetistikterge qol jetkizgen Ildardyń ómiri kópke, ásirese jastarǵa úlgi.

– Jastarǵa maqsatqa jetý úshin tynymsyz eńbektenip, ná­tı­­­jege qol jetkizý úshin tal­py­ný qajet der edim. Maqsat pen jiger bolsa jas jigit kez kel­gen ar­manyna qol jetkizedi der edim, deıdi jýyrda áke atanýda úmit­ti Ildar Iаgıaev.

Barynsha qoljetimdi sport túrin jastarǵa nasıhattaǵan Il­dar salaýatty ómir saltyn us­ta­nýdyń densaýlyqqa qan­sha­lyq­ty qajetti ekendigin eske saldy.                        

        

Mańǵystaý oblysy

 

Sońǵy jańalyqtar

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Uqsas jańalyqtar