Rýhanııat • 01 Mamyr, 2020

Alla rızashylyǵy degen ne?

1678 retkórsetildi

Erte zamanda eldiń shetinde, jel­diń ótinde, aıshylyq alys joldyń boıynda shaǵyn aýyl ómir súripti. Aýyldyń azamattary arqaly da, qyzdary aı mańdaıly arý eken.

Kúnderdiń kúninde aýyldyń shetine jyn-shaıtanmen shatys aram pıǵyldy dııý kelip qonypty. Dııý kúnde kelip aýyldyń mal-múlkin tartyp alyp jep ketedi. Aýyl aqsaqaldary qatty daǵdaryp, ne isterin bilmeı qınalady.

Sol sátte, bir jigit ortaǵa shyǵyp: «Qadirli halaıyq, bereke-birligimiz buzylmaǵan el edik, el shetine jyn qonyp, shańyraǵymyz shaıqala bastady. Eger de, aqsaqaldar batasyn berip Jaratýshy Iem qoldasa, men «Alla­nyń rızashylyǵy úshin» jyn-dııýmen shaıqasaıyn» deıdi.

Halyqtyń bári jınalyp Qudaıdan medet tilep jigitti attandyrady. Jigit kelgen boıda «Allahakbar» dep dııýdyń jaǵasynan ala ketedi. Kúni boıy kúresip, tús aýǵanda jyn-dııý álsireı bastaıdy. Jigit ony qylqyndyryp, aýzynan aq kóbigin aǵyzady.

Dııý aıtady: «Sen meni jeńdiń, qulyń bolaıyn óltirme?». Jigit ony bosatady. Sol kúnnen bastap álgi pále aýyldyń ala jibin attamaıtyn bolyp, kún saıyn jigitke 20 dildá berip turatyn shart ornaıdy.

Osylaı ómir ótip jatady. Jigit dııý bergen aqshalardy jınap baıyp ketedi. Arada bir jyldaı ýaqyt ótedi. Bir kúni jigit tańerteń oıanyp jastyǵynyń astyna qolyn sozsa, kúnde ákelip tastaıtyn 20 dildá joq.

Ashýlanǵan jigit atyp turyp dııýǵa jetip kelip: «Eı, albasty, dildá qaıda?» deıdi. Anaý bolsa «endi bermeımin!» dep qarsy shyǵady. Jigit atynan sekirip túsip ekeýi ustasa ketedi. Bul joly ana dııý jigitti eki búktep astyna salyp alady. Alqymyn syǵyp, janyn murnynyń ushyna ákeledi.

Jigit ań-tań bolyp jeńilgenin moıyn­daıdy. Jyn: «Sen aýylyńdy bas­tap myna shuraıly jerden kóship, kóz kórmeıtin alysqa ket. Áıtpese, bárińdi qurtamyn!» deıdi.

Jigit onyń shartyna amalsyz kelise otyryp, bylaı deıdi: «О́tkende men seni jeńip edim ǵoı, bul joly qalaısha sen jeńip kettiń?». Sonda dııý: «О́tkende sen «Allanyń rızashylyǵy úshin» dep aıqastyń, Alla saǵan shyn rıza bolyp, kúsh-qýat syılady. Bul joly dildá úshin naqtyraq aıtqanda, dúnıe úshin menimen kúrestiń. Seniń jeńilgen sebebiń osy!» depti.

 

Sońǵy jańalyqtar

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Uqsas jańalyqtar