Prezıdent mamyrdyń 11-inen bastap tótenshe jaǵdaı rejimi aıaqtalatynyn aıtyp, arnaıy Jarlyq shyǵardy. 1 mamyrdan bastap Nur-Sultan men Almaty qalalarynda áýe reısteri ashylatyny məlim boldy. Sóz joq, bul – jaqsy habar. Azamattardyń qatynasyna da, áýe qatynasy salasyna da osy sheshim tıimdi bolady dep sanaımyn.
Buǵan deıin medısına mamandary adamdar ózara eki metrlik araqashyqtyqty saqtaýy kerektigin eskertti. Ushaqqa medısınalyq betperde kıip kelýi kerektigi aıtyldy. Jolaýshylardyń temperatýrasy mindetti túrde ólshenedi. Koronavırýs ınfeksııasyn juqtyrmaǵany týraly arnaıy medısınalyq anyqtama da talap etiledi. Bul talaptar saqtalsa, indettiń taralýyna birshama shekteý qoıylady.
Osy rette barlyq tártipti saqtaý úshin sanıtarlyq sertıfıkat tapsyrý máselesin qolǵa alǵan artyq bolmaıdy dep sanaımyn. О́ıtkeni jaýapkershilikpen birge, ony qadaǵalaıtyn ereje de bolýy tıis. Munyń barlyǵyn tutynýshylar, qyzmet kórsetýshiler, taýar satýshylar jáne kásipkerler naqty saqtaıtyn bolsa, qaýipti derttiń taralyp ketýine jol berilmeıtini kúmənsiz.
Abylaı MYRZAHMETOV,
«Atameken» UKP basqarma tóraǵasy
