Biz saqtyq sharalaryn ustanyp qana bul indetten qutyla alamyz. Prezıdent tapsyrmasymen Qazaqstan qaýipti vırýsty der kezinde aýyzdyqtaýǵa sheshim shyǵarǵany belgili. Sonyń nátıjesinde bizdiń elimizdiń indetke qarsy is-qımylyna sarapshylar oń baǵasyn bergen eken.
Bul týraly Memleket basshysy málimdemesinde: «Dúnıejúzilik densaýlyq saqtaý uıymy da, halyqaralyq sarapshylar da Qazaqstannyń is-qımylyn oń baǵalap otyr», dep atap ótti.
Degenmen qaýipti vırýsqa qarsy amal, áreketter áli de jalǵasa bermek. Dál qazirgi sabyr men tózimniń synǵa túsetin shaǵynda biz birlik tanytýymyz kerek. Memleket tarapynan qazir barlyq jaǵdaı jasalyp jatyr, kúrdelengen máseleler kóńilge qonymdy sheshimin taýyp keledi.
Prezıdenttiń: «Taǵy da qaıtalap aıtamyn: qazirgideı kúrdeli kezde árbir azamat bizdiń nazarymyzda bolady. Memleket eshkimdi qıyndyqqa qaldyrmaıdy», dep aıtqany halyqtyń eńsesin kóteretini aqıqat. Sondyqtan jalǵan sózge erip, baıbalam salý qajet emes. Azyq-túlik úshin alańdaýdyń da qısyny joq.
Bul týraly Qasym-Jomart Kemeluly: «Elimizde azyq-túlik tapshylyǵy joq. Jergilikti bılik organdary áleýmettik mańyzy bar taýarlar baǵasyn baqylaýda ustap otyr», dep naqty aıtty. Shaǵyn jáne orta bızneske, iri kompanııalarǵa, indetpen betpe-bet kúresip júrgen aq halatty abzal jandarǵa qoldaý kórsetiletinin de atap ótti. Biz keshegi Memleket basshysynyń mańyzdy málimdemesindegi árbir sózge qosylamyz jáne tolyqtaı qoldaımyz.
Syn saǵatta birge bolsaq, synaqtarǵa synbasymyz aqıqat. Halyqqa rýhanı kúsh-qýat berý maqsatynda mádenı mekemeler onlaın is-sharalaryn qarqyndy júrgizip jatyr. Eń bastysy, birlikte bolaıyq. Birligi jarasqan Qazaqstannyń tirligi de gúldene beretinine senemiz.
Erlan DÁKENOV,
Nur-Sultan qalasy ákimdigi Memlekettik akademııalyq fılarmonııasynyń bas dırektory
