Aımaqtar • 01 Mamyr, 2020

Altaı Kólginov elorda turǵyndaryn quttyqtady

6 retkórsetildi

Nur-Sultan qalasynyń ákimi Altaı Kólginov qala turǵyndaryn Qazaqstan halqynyń birligi kúnimen quttyqtady.

«Qymbatty elordalyqtar! Barshańyzdy 1 mamyr – Qazaqstan halqynyń birligi merekesimen shyn júrekten quttyqtaımyn! Táýelsizdik jyldarynda qol jetkizgen ár jetistigimiz – kópetnosty elimizdiń tatýlyǵy men tutastyǵyna negizdelgen Elbasy Nursultan Ábishuly Nazarbaevtyń ustanǵan saıasattyń aıqyn nátıjesi.

«Bereke-birliktiń almaıtyn qamaly, baǵyndyrmaıtyn bıigi bolmaıdy»,-dep QR Tuńǵysh Prezıdenti atap ótkendeı, túrli ult ókilderi bir shańyraqtyń astynda ózara syılasyp, osy jyldar ishinde kóptegen qıyndyqqa tótep berip kelemiz. Ásirese, dál qazirgideı álemdik pandemııamen kúres kezi – elimizdiń ishki birligi synalatyn ýaqyt. Alaıda, halqymyzdyń tutastyǵy syr bermeı, qıyn kezde bir-birine kómek qolyn sozyp, órkenıetti qoǵam bolyp qalyptasqanymyzdy kórsetip jatyrmyz. QR Prezıdenti Qasym-Jomart Toqaev «Bizdiń birligimiz bekem, maqsatymyz ortaq, rýhymyz asqaq. Sonyń arqasynda kez-kelgen qıyndyqty jeńip, jasampazdyq pen órleý jolynda jańa belesterdi baǵyndyramyz dep senemin»,- dep atap ótti.

Memleket tarapynan halyqty áleýmettik-ekonomıkalyq, medısınalyq jaǵynan qorǵaý sharalary tııanaqty júrgizilýde. Halqymyzdyń birligi myǵym bolsa, biz almaıtyn asý joq. Elimizde turaqtylyq saqtalyp, birlik pen yntymaqtastyq arta bersin! Árqaısyńyzǵa zor densaýlyq, amandyq pen baq-bereke tileımin!», - dedi Altaı Kólginov.

Sońǵy jańalyqtar

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

«Qazarhıv» basqarmasy qajet

Rýhanııat • Búgin, 06:52

Qazaqtyń qadirli edi qarııasy

Rýhanııat • Búgin, 06:50

Syrdaǵy eginniń sýsyz qalý qaýpi bar

Ekologııa • Búgin, 06:48

Eriktiler balalardy quttyqtady

Aımaqtar • Keshe

Uqsas jańalyqtar